काठमाडौँ / नेपाल क्लियरिङ्ग हाउस लिमिटेड (एनसीएचएल)ले आज एक औपचारिक कार्यक्रमकाबीच गभर्नर महाप्रसाद अधिकारीको उपस्थितिमा एनपिएस–नेशनल कार्ड स्वीच तथा डोमेस्टिक कार्ड स्किम (नेपालपे कार्ड)को पूर्वाधार स्थापना प्राविधिक रूपमा तयार भएको घोषणा गरेको छ ।  

कार्यक्रममा नेपाल राष्ट्र बैंकबाट एनसीएचएलले हालै प्राप्त गरेको अन्तिम स्वीकृति अनुसार एनपिएस–एनसिएस र नेपालपे कार्डको तयारी पूरा भएको जानकारी दिइएको थियो । साथै नेपालपे कार्ड पनि औपचारिक अनावरण गरिएको हो । साथै, गभर्नर अधिकारीले सेरेमोनियल नेपालपे कार्डबाट कन्ट्रोल्ड इन्भाइरोमेन्टमा पिओएस र एटिएमबाट कारोबार गरी एनपिएसको पूर्वाधार तयारी भएको जानकारी दिए । 

उक्त कार्यक्रममा नेपाल राष्ट्र बैंकका सञ्चालक समिति र राष्ट्रिय भुक्तानी बोर्डका सदस्यहरू, नेपाल राष्ट्र बैंकका डेपुटी गभर्नर डा.नीलम ढुङ्गाना तिम्सिना, कार्यकारी निर्देशकहरू, बैंक तथा वित्तीय संस्थाहरूका प्रमुख तथा पदाधिकारीहरू, भुक्तानी प्रणाली सञ्चालकका प्रतिनिधिहरू, भुक्तानी सेवा प्रदायकका प्रतिनिधिहरू, एनसीएचलका सञ्चालक समितिका सदस्यहरू तथा वरिष्ठ पदाधिकारीहरूको सहभागीता रहेको थियो ।

एनपिएसको पूर्वाधारअन्तर्गत, नेशनल कार्ड स्वीच, सेन्ट्रलाइज्ड सेटलमेन्ट तथा डिस्प्यूट व्यवस्थापन प्रणाली, एआइ÷एमएलमा आधारित फ्रण्ड तथा जोखिम व्यवस्थापन प्रणाली र डोमेस्टिक कार्ड स्किमको रूपमा नेपालपे कार्ड कार्यान्वयन हुनेछ । 

यससँगै, राष्ट्रिय भुक्तानी प्रणाली (एनपिएस)को कार्यान्वयनको प्रमुख तथा अन्तिम चरणअन्तर्गतको पूर्वाधार तयारी भएको छ भने आवश्यक सटिफिकेसन र बैंक वित्तीय संस्थाका स्वीचहरूलाई इन्टिग्रेट गरे पश्चात पूर्ण रूपमा व्यवसायिक सञ्चालनमा आउनेछ । 

यसअघि एनपिएस अन्तर्गत, रिटेल पेमेन्ट स्विच (आरपिएस) र क्रस बोर्डर इन्टरफेस (NPIx) नोभेम्बर २०२१ मा सञ्चालनमा आइसकेका छन् ।

एनपिएस–एनसिएस तथा नेपालपे कार्ड तयारी पूरा भएसँगै, बैंक तथा वित्तीय संस्थाहरू, भुक्तानी प्रणाली सञ्चालकहरू र भुक्तानी सेवा प्रदायकहरूले डोमेस्टिक कार्ड स्किममा इस्यूइङ्ग र अक्वयरिङ्गका लागि साथै अन्य कार्ड स्किमको कारोबारहरूबिीच अन्तरआवद्धता कायम गर्न अब आफ्नो स्विचहरू इन्टिग्रेट गर्न सक्नेछन् । 

स्विचहरू इन्टिग्रेट गर्न तथा नेपालपे कार्ड जारी गर्ने कार्य अगाडि बढाउन उक्त कार्यक्रममा एनसीएचलसँग सिटिजन्स बैंक इन्टरनेशनल, गुडविल फाइनान्स, हिमालयन बैंक, माछापुच्छ्र्रे बैंक, मुिक्तनाथ विकास बैंक, एनएमबी बैंक, प्रभु बैंक, सांग्रिला विकास बैंक, सिद्धार्थ बैंक, लगायतका बैंक वित्तीय संस्थाहरूसँग प्रिन्सिपल मेम्बरसिपको सम्झौतापत्र आदान प्रदान समेत गरिएको थियो । 

साथै, ११ वटा बैंक वित्तीय संस्थाहरूलाई मल्टिपल कार्ड स्किमहरू प्रोसेसिङ्ग गर्न प्रदान गर्दै आएको एनसीएचएलकोे आफ्नो इएफटि स्विचबाट समेत नेपालपे कार्ड अक्वायरिङ्ग गर्न मिल्ने गरी तयारी गरिएको छ ।

नेपालपे कार्डअन्तर्गत सदस्य बैंक तथा वित्तीय संस्थाहरू र पीएसपीहरू क्रमशः प्रिन्सिपल तथा एसोसियट मेम्बरको रूपमा आवद्ध हुन सक्नेछन् भने भुक्तानी प्रणाली सञ्चालकहरूले थर्ड पाटी पेमेन्ट प्रोसेसर (टीपीपी) को रूपमा कार्ड इकोसिस्टम निर्माण तथा विकास गर्न सक्नेछन् । 

 आगामी दिनहरूमा अन्य बैंक तथा वित्तीय संस्था तथा पीएसपीहरू/पीएसओहरूलाई पनि नेपालपेको नेटवर्कमा समावेश गरी नेपालपे कार्डलाई विस्तार गरिनेछ । एनपिएस–एनसिएसले डोमेस्टिक कार्ड कारोबारहरूको राउटिङ्ग र सेटलमेन्टको लागि सेन्ट्रल कार्ड स्विचको प्रयोग गर्नेछ । 

नेपालपे कार्ड माईएमभी चिप टेक्नोलोजीको प्रयोग गरिएको छ र अन्तर्राष्ट्रिय कारोबारका लागिभने अन्तर्राष्ट्रिय कार्ड नेटवकसँग सहकार्य गरिएको छ । उक्त प्रणालीको पूर्ण कार्यान्वयन पश्चात डोमेस्टिक कार्ड कारोबारहरूको लागत घटाउने, डाटा लोकलाइजेश सुनिश्चित गर्ने र डिजिटल इकोसिस्टममा नवीनतम् उपकरणहरूको विकास तथा प्रवद्र्धन हुने अपेक्षा गरिएको छ ।

नेपालपे कार्डलाई बैंक वित्तीय संस्थाकाग्राहकहरूले पीओएस वा एटीएममा प्रयोग गर्न सक्नेछन्क्रमिक रूपमा ई–कमर्श कारोबारमापनिगर्न सक्नेछन् ।

एनसीएचएलले ५४ भन्दा बढि बैंक तथा वित्तीय संस्थाहरू, पीएसओ र पीएसपी, र १०० भन्दा बढिगैर–बैंकिङ्ग सदस्यहरूलाई विभिन्न राष्ट्रिय भुक्तानी प्रणालीहरू सञ्चालन गरी सेवा प्रदान गर्दै आएको छ । हाल एनसीएचएलले वार्षिक रूपमा १५५ खर्बभन्दा बढी कारोबार फछ्र्याैट गर्दै आएको छ ।