बिमा क्षेत्रमा आफ्नो नयाँ वान बाई मेटलाइफ एपको भव्य सुरुवात पछि, मेटलाइफ नेपालले आफ्ना सबै एजेन्टहरूका लागि ‘वन बाइ मेटलाइफ मेला’ आयोजना गरेको थियो ।
जसले ग्राहकहरूलाई सेवा दिने र उनीहरूलाई स्वस्थ, लामो जीवन जिउन मद्दत गर्ने साझा प्रतिबद्धतालाई सुदृढ गरेको छ ।
वान बाई मेटलाइफमार्फत, मेटलाइफ नेपालले नेपालीहरूका लागि डिजिटल बिमा र स्वास्थ्य सेवा ल्याएको छ, जुन पहिले कहिल्यै नभएको कम्पनीले जनाएको छ ।
एजेन्टहरूका लागि मेटलाइफले मेलामा एपका बारे प्रत्यक्ष प्रदर्शनहरू, सुविधाहरूका बिफ्रिङ, र ह्यान्ड–अन सत्रहरूकोबारे जानकारी प्राप्त गराएको थियो ।
एपको प्राथमिक उद्देश्य परिवर्तनकारी सुविधाहरूको बारे समर्पित एजेन्टहरूलाई सशक्त र शिक्षित गर्नु रहेको जनाएको छ । जसले उनीहरुले स्वस्थ र अधिक सुरक्षित भविष्यको लागि अत्याधुनिक बिमा र स्वास्थ्य सेवाहरू पहुँच गर्न ग्राहकहरूलाई मार्गदर्शन दिन सक्नेछन् ।
यस कार्यक्रमले मेटलाइफ नेपालले आफ्ना एजेन्टहरूको व्यावसायिक विकास र ग्राहकहरूलाई उत्कृष्ट सेवा प्रदान गर्ने क्षमतालाई पनि जोड दिएको छ ।
मेटलाइफ नेपालका उपाध्यक्ष तथा महाप्रबन्धक निर्मलकाजी श्रेष्ठले भने, “मेटलाइफले रमाइलो सिकाइ अनुभवहरूको शक्तिमा विश्वास गर्दछ, त्यसैले हामीले यस मेलामा आवश्यक ज्ञानहरु सहित रमाइलो गतिविधिहरू मिसाएका छौँ ।
उत्कृष्ट प्रविधि र हाम्रो सक्रिय टोलीलाई सँगै ल्याएर, हामी हाम्रा ग्राहकहरूलाई लामो समयसम्म स्वस्थ बाँच्न र थप आत्मविश्वासी भविष्य निर्माण गर्नका लागि कदम चाल्न प्रेरित गर्ने आशा गर्छौं ।“
