काठमाडौँ / स्टक ब्रोकर कम्पनीहरुले काठमाडौंसहित देशका ३५ जिल्लामा ब्रोकर कम्पनीहरुले शाखा विस्तार गरेका छन् ।

नेपाल स्टक एक्स्चेन्ज (नेप्से) का अनुसार देशभर ८२ वटा स्टक ब्रोकर कम्पनी सञ्चालनमा छन् । सञ्चालनमा रहेका यी ८२ स्टक ब्रोकरमध्ये ४३ कम्पनीले काठमाडौँबाहिर शाखा विस्तार गरेका छन् भने ३९ कम्पनीहरु काठमाडौँ जिल्लामा मात्रै सञ्चालनमा छन् ।

काठमाडौँबाहिर भने कास्की जिल्लामा सबैभन्दा धेरै ब्रोकर कम्पनीका शाखा विस्तार भएका छन् । नेप्सेको अनसार कास्कीमा ९ ब्रोकर कम्पनीका शाखा विस्तार भएका छन् । 

शहरी क्षेत्र भएका जिल्लामा धेरै कम्पनीका शाखाहरु विस्तार भएको छ । कास्कीपछि झापा, चितवन, रुपन्देही, मोरङजस्ता जिल्लामा ब्रोकरको संख्या उल्लेख्य देखिएको छ ।

काठमाडौँबाहिर सबैभन्दा धेरै शाखा विस्तार गर्ने ब्रोकर कम्पनीमा भिजन सेक्युरिटिज कम्पनी छ । सो कम्पनीले काठमाडौँबाहिर ११ वटा शाखा विस्तार गरेको छ ।

विस्तारित ब्रोकरका शाखाहरू