बिराटनगर / कोशी प्रदेश प्रमुख परशुराम खापुङले दलित समुदायबाट स्वास्थ्य सेवामा कार्यरतको हातबाट औषधि नलिनु जस्ता घट्नाले लज्जित बनाएको बताएका छन् । राष्ट्रिय दलित आयोगका सदस्य टुन्ज बराइलीको नेतृत्वले पेस गरेको तेस्रो वार्षिक प्रतिवेदन बुझ्ने क्रममा खापुङले साथै, यो समस्या दलितको मात्रै नभई राष्ट्रिय समस्या भएको प्रदेश प्रमुखले बताएका हुन् ।
साथै उनले वि.सं. २०२० भाद्र १ गते जारी भएको मुलुकी ऐनले छुवाछुत हुनुहुन्न भनेर तोकिए पनि अहिलेसम्म भेदभाव भइरहनु दुःखद भएको बताएका छन् । त्यसैगरी राष्ट्रिय दलित आयोगका सदस्य बराइलीले दलित समुदायले छोएको पानी मात्रै नभई माया पनि चल्न छोडेको बताएका छन् ।
युवावस्थामा प्रेम भए पनि जातको कारण मारिनेसम्मको घटना दुःखद भएको उनको भनाई थियो ।
दलित आयोगले प्रदेश प्रमुख समक्ष नेपालको संविधानको धारा २९४ को उपधारा (३) बमोजिम आर्थिक वर्ष ०७९/८० को प्रतिवेदन पेश गरेको हो ।
.gif)
