काठमाडौँ / नेपाल राष्ट्र बैंकले आफ्नो स्वामित्वमा रहेका पुरानो गाडी लिलामी पक्रियाबाट बिक्री गर्ने भएको छ । 

बैंकले आज बिहिबार एक सूचना जारी गर्दै ५ पुराना सवारी साधन सिलबन्दी बोलपत्रको माध्यमबाट लिलाम बिक्री गरिने जनाएको हो । राष्ट्र बैंकले कुल ६३ लाख २९ हजार रुपैयाँ (मूल्य अभिबृद्धि करसहित) ती गाडी बेच्नेछ। 

बैंकले उक्त गाडीहरूको सुरुवाती मूल्य साढे ६ लाख रुपैयाँदेखि साढे २५ लाख रुपैयाँसम्म राखेको छ । गाडी खरिद गर्न इच्छुकले माघ २२ गते दिउँसो १ बजेसम्म बोलपत्र पेस गर्नुपर्नेछ।

बोलपत्र बालुवाटारस्थित राष्ट्र बैंकको सम्पत्ति तथा सेवा व्यवस्थापन विभागमा पेस गर्नुपर्नेछ। बोलपत्र सोही दिन दिउँसो २ः३० बजे खोलिने राष्ट्र बैंकले जनाएको छ।

बैंकले प्रकाशन गरेको सुचनाः