काठमाडौँ / ऋषि ट्रेड सेन्टरले सिएफ मोटोको एनके २५०, एसआर २५०, एनके ४५० तथा जीहोको एइसिक्स एलआर (डबल ब्याट्री) र सिटी स्पोर्टस् मोडलहरू सार्वजनिक गरेको छ । विश्व विख्यात २ पाङ्ग्रे ब्रान्ड सिएफ मोटो तथा जीहो ब्रान्डका नेपालको लागि आधिकारिक वितरक रिलायन्स गु्रप अन्तर्गतका ऋषि सेन्टरले सिएफ मोटोको उक्त ब्राण्डहरू सार्वजनिक गरेसँगै कम्पनीले टेष्ट ड्राइभ पनि खुल्ला गरेको छ ।

सिएफको उत्पादनहरूलाई उत्कृष्ट विक्री वितरण, सहज स्पेयर पार्टसको उपलब्धता, आफ्टर सेल सर्भिस र ग्राहकहरूलाई सहज सेवा सुविधा दिने हेतुले नेपालकै प्रतिष्ठित तथा अग्रणी व्यापारिक समूह रिलायन्स ग्रुप सिएफ मोटो तथा जीहोलाई नयाँ रूपमा बिक्री वितरणको रणनीतिसहित नयाँ आधिकारिक विक्रेताको रूपमा छनोट भएको हो । 

विभिन्न उमेर समूहलक्षित सिएफ मोटोका उत्पादन र विद्युतिय सवारी साधन रोज्नेहरूका लागि जीहो ब्रान्डले नेपालमा नयाँ कोशेढुङ्गा स्थापित गर्ने विश्वास कम्पनीले लिएको छ । 
सिएफ मोटो तथा जीहोका उत्पादनहरूको टेस्ट ड्राइभ तथा बुकिङ्ग गर्न कम्पनीको नक्साल झ्mम्सीखेल तथा सल्लाघारीस्थित आधिकारिक शोरूममा गर्न सकिने जानकारी कम्पनीले जनाएको छ ।

नयाँ आधिकारिक वितरक नियुक्त भएसँगै ऋषि ट्रेड सेन्टरले सिएफ मोटो तथा जीहोलाई नेपालकै अग्रणी २ पाङ्ग्रे बनाउने ध्येयले समय सापेक्षिक योजना तथा उत्पादनहरू सार्वजनिक गर्ने पनि जनाएको छ । जसअन्तर्गत सर्भिस क्याम्प, ग्राहक साक्षात्कार तथा रोड साइड सहायता सेवा लगायतका विभिन्न कार्यहरूको सुरुवात पनि गरिएको छ ।