काठमाडौँ / बुधबार नेपाली बजारमा सुनचाँदीको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार मङ्गलबारको तुलनामा बुधबार सुनको भाउ प्रतितोला ७ सय रुपैयाँ र चाँदी २५ रुपैयाँले घटेको हो । यसअघि प्रतितोला १ लाख ४२ हजार ३ सय रुपैयाँ पर्ने छापावाल सुनलाई आज १ लाख ४१ हजार ६ सय रुपैयाँ पर्नेछ । त्यस्तै, तेजावी सुन प्रतितोला १ लाख ४१ हजार ६ रुपैयाँ रहेकोमा आज घटेर १ लाख ४० हजार ९ सय रुपैयाँ कायम भएको छ ।
यता, चाँदीको भाउ प्रतितोला १ हजार ७ सय ९० रुपैयाँमा कारोबार हुने महासङ्घले जनाएको छ । यसअघि चाँदी प्रतितोला १ हजार ८ सय १५ रुपैयाँमा कारोबार भएको थियो ।
