काठमाडौँ / साताको पहिलो कारोबारको दिन आइतबार २७.२७ अङ्कले बढेको शेयर बजार आज दोस्रो दिन भने सामान्य घटेको छ । 

आज सोमबार सेयर बजार नेप्से परिसूचक ४.६२ अंकले घटेर २ हजार १३६ को विन्दुमा पुगेको छ । यस दिन ९५ कम्पनीको सेयर मूल्य बढेको छ भने १४१ कम्पनीको सेयर मूल्य घटेको छ ।

आज परिसुचकसँगै कारोबार रकम पनि घटेको देखिएको छ । आइतबार तीन सय २५ कम्पनीको एक करोड ४० लाख १४ हजार छ सय २२ कित्ता शेयर ८० हजार आठ सय ३८ पटक खरिदबिक्री हुँदा छ अर्ब २९ लाख ३१ हजार आठ सय ५४ रुपैयाँ बराबरको कारोबार भएको थियो । 

तर, आज सोमबार ३ सय २४ कम्पनीको एक करोड ४ लाख ७५ हजार कित्ता सेयर किनबेच हुँदा चार अर्ब ५६ करोड ९८ लाख रुपैयाँ बराबरको मात्रै कारोबार भएको देखिएको छ । 

यस दिन सबैभन्दा धेरै एनआरएनको सेयर कारोबार भएको छ । कम्पनीको २८ करोड ७० लाख रुपैयाँको सेयर कारोबार भएको छ । जानकी फाइनान्सको १५ करोड ५० लाख रुपैयाँ र सिइडीबी हाइड्रोको ९ करोड ६३ लाख रुपैयाँको सेयर कारोबार भएको छ ।

आज यी १० कम्पनीका लगानीकर्ताले कमाए सार्वधीक

सबैभन्दा धेरै समाज लघुवित्त वित्तीय सस्था लिमिटेडका लगानीकर्ताले ९.६८ प्रतिशतका दरले कमाएका छन् । 

यस्तै एनआईसी एशिया बैंक डिबेञ्चरका सेयरधनीले ६.०१ प्रतिशत, दोर्दी जलविद्युतका सेयरधनीले ५.०३ प्रतिशत र एनआईसी एशिया फ्लेक्सी क्याप फण्डका सेयरधनीले ४.७५ प्रतिशतका दरले कमाएका छन् । 

कालिका लघुवित्तका लगानीकर्ताले ४.५० प्रतिशतका दरले कमाएका छन् ।

आज यी १० कम्पनीका लगानीकर्ताले गुमाए सार्वधीक

यस दिन सबैभन्दा धेरै मैलुङ खोला जलविद्युतका लगानीकर्ताले गुमाएका छन् । यस कम्पनीका लगानीकर्ताले ८ प्रतिशतका दरले गुमाएका हुन् ।