काठमाडौँ / नेप्सेमा आज उछाल छाएको छ। आज कारोबार सुरु भएको एक मिनेट ३१ सेकेण्डमा नै बजार ४ प्रतिशतले बढेर २० मिनेटको लागि बन्द भयो । 

दोस्रोपटक कारोबार शुरु भएको एक मिनेटभित्रै परिसूचक एक प्रतिशत बिन्दुले बढेर पाँच प्रतिशत पुगेपछि ४० मिनेटका लागि कारोबार स्थगित गरिएको थियो । पछि सम्हालिएको बजार ११३.४२ अङ्कले बढेर २ हजार ६८१ को विन्दुमा कायम भएको छ ।

आज १४८ कम्पनीको शेयर मूल्य बढेको छ भने ८७ कम्पनीको शेयर मूल्य घटेको छ । आज ३१८ कम्पनीको ४ करोड ३ लाख १४ हजार ५१७ कित्ता शेयर किनबेच हुँदा १५ अर्ब ८१ करोमाथिको शेयर कारोबार भएको छ । 

आज १२ उपसूचकमा हरियाली आएको छ । यसदिन वाणिज्य बैंकको ९.८९ प्रतिशत, विकास बैंक समूहको ४.८७ प्रतिशत, फाइनान्स समूहको १.२९ प्रथिशत, होटल तथा पर्यटन समूहको ०.४६ प्रतिशतले शेयर मुल्य बढेको छ । यता, माइक्रोफाइनान्स समूहको शेयर मूल्य मात्र घटेको छ ।

आज बैंकिङ्ग क्षेत्रको उपसूचकमा लगानीकर्ताहरु बढी झुम्मिएका छन् । कारण मौद्रिक नितिपछि बैंकिङ्ग क्षेत्रमा राहत दिएको कारण लगानीकर्ताहरु यस क्षेत्रतर्फ आकर्षण भएको देखिन्छ ।

आज कुमारी बैंकको सर्वाधिक कारोबार भएको छ ।त्यस्तै, एनआईसी एशिया बैंक, शिवम सिमेन्टस, हिमालयन रि, हाथवे, प्राईम कर्मर्शीयल बैंक, ग्लोबल आइएमई बैंक, कृषि विकास बैंक, सिईडिबी हाईड्रोपावर र एभरेष्ट बैंकको सर्वाधिक कारोबार भएको छ।

यी कम्पनीका लगनीकर्ताले गुमाए सार्वधीक 

आज सबैभन्दा धेरै गणपति लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले ९.३५ प्रतिशतका दरले गुमाएका हुन् ।