काठमाडौँ / नेपालमा एमजी मोटर्सको अधिकृत बिक्रेता पारामाउन्ट मोटर्स प्रा.लि. र नेपाल इन्भेष्टमेन्ट मेगा बैंक लिमिटेड (एनआइएमबि)ले साझेदारीको घोषणा गरेका छन् । नेपालको इलेक्ट्रिक गतिशीलता पहुँचलाई सुधार गर्नको लागि कम्पनीले बैंकसँग सहकार्य गरेको हो । 

उक्त साझेदारीपश्चात ग्राहकहरूलाई एमजी मोटर्सका इलेक्ट्रिक गाडीहरूमा ८० प्रतिशत सम्मको वित्तीय सुविधा प्राप्त गर्ने भएका छन् । 

एमजी इलेक्ट्रिक गाडीहरू, जसमध्ये एमजी जेड.एस ईभी, एमजी ४ ईभी र एमजी कमेट ईभी खरिदका लागि ग्राहकहरूले बैंकमार्फत वित्तीय सुविा प्राप्त गर्ने भएका हुन् । 

यसका लागि ग्राहकहरूले एनआइएमबी बैंकको जुनसुकै शाखामा गएर सरल र सहज वित्तीय सुविधा पाउने कम्पनीले जनाएको छ । बैंकले प्रतिस्पर्धी ब्याज दर र अनुकूलनशील सर्तहरूसँग इलेक्ट्रिक गाडीहरूको लागि ८० प्रतिशतसम्मको वित्तीय सहायता प्रदान गर्नेछ ।

यसले गाडि खरिद गर्न चाहने ग्राहकहरूको लागि सजिलो प्रक्रिया सुनिश्चित गर्ने कम्पनीका दावी छ।

पर्यावरणमैत्री गाडीहरूको प्रयोगलाई प्रोत्साहन 

एनआईएमबी बैंकले एमजी इलेक्ट्रिक गाडीहरूको लागि आकर्षक ब्याज दरसहितको अटो लोन प्रदान गर्नेछ । आधार दरमा १.०० प्रतिशत प्रिमियम प्रति वर्ष जोडिने कम्पनीले जनाएको छ । यो वित्तीय योजना पर्यावरणमैत्री गाडिहरूको प्रयोगमा सघाउ पुर्याउने तथा प्रोत्साहन गर्ने उद्देश्यले ल्याएको बताइएको छ । 

केवल २० प्रतिशत अग्रिम भुक्तानीको आवश्यकता भएकाले, ग्राहकहरूले कुनै पनि एमजी इलेक्ट्रिक गाडी अत्यधिक सुलभ मूल्यमा प्राप्त गर्न सक्नेछन्।

प्रक्रिया सुरु गरेको तीन कार्य दिनभित्र कर्जा उपलब्ध हुने कम्पनीले जनाएको छ । यसले ग्राहकलाई सरल र प्रभावकारी अनुभव प्रदान गर्नेछ । 

दिगो गतिशीलता प्रति प्रतिबद्धता

नयाँ साझेदारीले दिगो गतिशीलता समाधानलाई प्रवर्द्धन गर्ने र नेपालका मोटर वाहन आन्दोलनलाई समर्थन गर्ने साझा प्रतिबद्धतालाई दर्शाउँ कम्पनीको भनाइ छ।

एमजी इलेक्ट्रिक गाडीहरूको लागि वित्तीय पहुँचलाई सहज बनाउँदै, पारामाउन्ट मोटर्स र एनआईएमबी बैंकले हरित यातायातलाई एक व्यवहार्य विकल्प बनाउनका लागि सहकार्य गरेको कम्पनीद्वारा जारी विज्ञप्तिमा भनिएको छ । 

“एनआईएमबी बैंकसँगको साझेदारीले हाम्रा ग्राहकहरूका लागि एमजी इलेक्ट्रिक गाडीहरूलाई अझ पहुँच योग्य बनाउन महत्वपूर्ण कदम हो,” पारामाउन्ट मोटर्सका प्रवक्ताले भने, “हामी दिगो र उन्नत गतिशीलता समाधानको प्रवर्द्धन गर्ने हाम्रो दृष्टिकोणसँग मेल खाने नवीनतम वित्तीय समाधान प्रदान गर्न उत्साहित छौँ।”