काठमाडौँ / द ब्रिटिस कलेजले पाँचौं ब्रिटिस कप इन्टर कलेज फुट्सल प्रतियोगिताको आयोजना गर्ने भएको छ । ब्रिटिस एजुकेशन ग्रुप अन्तर्गतको ब्रिटिस कलेजले आयोजना गर्न लागेको प्रतियोगिता आउँदो आइतबारदेखि तीन दिनसम्म बालुवाटारस्थित ढुकु स्पोर्टस् हबमा हुन लागेको हो ।
सन् २०१८ देखि निरन्तर रूपमा हुँदै आएको ब्रिटिस कपको यस संस्करणमा १९ टिमको सहभागिता रहेको छ ।
लिगकम नकआउट संरचनामा हुने प्रतियोगिताको समूह ‘ए’मा आईएसएमटी कलेज, सनवे कलेज, काठमाडौँ विश्वविद्यालयको ‘ए’ टिम, काठमाडौँ विश्वविद्यालयको ‘बी’ टिम र द वेस्टमिन्स्टर कलेज रहेका छन् । समूह ‘बी’मा द ब्रिटिस कलेजको ह्वाइट टिम, द ब्रिटिस कलेजको ब्लु टिम, आईआईएमएस कलेज र न्याथम कलेज रहेका छन् ।
त्यस्तै, समूह ‘सी’मा सफ्वेरिका कलेज, सिल्भर माउन्टेन, इन्साइट भिजन, हेराल्ड कलेज र प्राइम कलेज रहेका छन् । समूह ‘डी’मा भेदास कलेव, ब्रिटिस प्रोफेशनल कलेज, थेम्स कलेज, एपेक्स कलेज र टेक्सपायर रहेका छन् ।
प्रतियोगिताको हस्पिटालिटी पार्टनर गोदावरी भिलेज रिसोर्ट, मेडिकल पार्टनर ह्याम्स हस्पिटल, ट्राभल पार्टनर स्वा होलिडेज, र प्रिन्टिङ पार्टनर हलफ्याक्स रहेका छन् । त्यस्तै, द वेस्टमिन्स्टर कलेज, बिराटनगर सिटी फुटबल क्लब, बेटा नेटवर्क र डर्माभिस्टाले पनि प्रतियोगितालाई सहयोग गरेको छ ।
प्रतियोगिताको विजेताले नगद एक लाख रुपैयाँ सहित ट्रफी तथा प्रमाणपत्र प्राप्त गर्नेछन् । त्यस्तै, उपविजेता टिमले नगद ५० हजार रुपैयाँ सहित ट्रफी तथा प्रमाणपत्र प्राप्त गर्नेछन् ।
यसैगरी, उत्कृष्ट खेलाडी, उत्कृष्ट गोलरक्षक, सर्वाधिक गोलकर्ता र एउटा टिमले फेयर प्ले टिमलाई १० हजार रुपैयाँ पुरस्कार दिइने ब्रिटिस कलेजले जनाएको छ ।
‘पाँचौं संस्करणको प्रतियोगिता गर्न पाउँदा हामी निकै खुशी छौं । यस प्रतियोगिताको मूख्य उद्देश्य टिमवर्क र स्पोर्टस्म्यानसिपलाई प्रोत्साहित गर्नु हो,’ प्रतियोगिताबारे ब्रिटिस कलेजका मार्केटिङ हेड, अमरदीप मण्डलले भने, ‘हामीले प्रतियोगितालाई अझै परिस्कृत गर्दै लगेका छौँ । प्रतियोगिताको आयोजनाको लागि सहयोग गर्नुहुने सबै प्रायोजकहरूलाई, सहभागी टिमहरु र ब्रिटिस कलेजका सहकर्मीहरूलाई म धन्यवाद दिन चाहन्छु । आशा छ भेन्यूमा उल्लेख्य संख्यामा दर्शकहरुको उपस्थिति रहनेछ ।’
