काठमाडौँ / कमर्सियल भेहिकल आइसरले दसैँ, तिहार र छठ पर्वलाई लक्षित गर्दै एक अफर घोषणा गरेको छ ।
‘दसैको हर्ष, आइसरको वर्ष’ नामक उक्त अफर विभिन्न सुविधाहरू रहेको बतास एमएडब्लुले जनाएको छ ।
यो योजनाअनुसार आइसरका कुनै पनि स्कुल बस, कमर्सियल बस, ट्रकको खरिदमा ७० प्रतिशतसम्मको सरल फाइनान्स, २५ लाख सम्मको इन्स्योरेन्स तथा एक्सचेन्जको सुविधा प्रदान गरिएको कम्पनीले जनाएको छ ।
योजना मंगलबारदेखि नेपाल देशभर लागू भएको छ । ग्राहकहवर्गले आइसरका देशभरिका शो रुमबाट यो अवसरको लाभ लिन सक्नेछन् ।
बतास समूह र मोरङ अटो वर्क्स मिलेर नेपालमा आइसरको क्षितिज फराकिलो काम हुँदै आएको कम्पनीको भनाइ छ । नेपालमा आइसरले ११ शाखाहरु र ४ डिलरमार्फत सवारी साधनहरू उपलब्ध गराउँदै आएको छ ।
ग्राहकवर्गले आइसरका ४ पाङ्ग्रे ट्रकदेखि १६ पाङ्ग्राहरू, ५ टनदेखि २५ टन लोडिङ क्षमताका उत्पादनहरू छनोट गर्न सक्नेछन्। साथै आइसरले अत्याधुनिक नाइट बस पनि भित्र्याएको छ ।
आइसर विश्वभर ७० भन्दा बढी देशहरूमा फैलिएको छ भने यसले भोल्भो र आइसरका संयुक्त परियोजनामा विविध मूल्य र प्रयोजनका लागि नयाँ प्रविधिका साथ विभिन्न उत्पादनहरू बजारमा उपलब्ध गराउँदै आएको छ ।
.gif)
