काठमाडौँ / लगातारको वर्षाका कारण बागमती नदीले खोकना क्षेत्रमा खतराको तह पार गरेको छ ।
मौसम पूर्वानुमान महाशाखाका अनुसार ललितपुरस्थित खोकना हुँदै बग्ने बागमती नदीले खतराको तह पार गरेको हो।
महाशाखाले बागमती नदीमा खतराको तह नाघेकाले आवश्यक सावधानी अपनाउन आसपासका बस्तीलाई आग्रह गरेको छ।
शुक्रबार साँझ ५ बजेसम्म पानीको तह ४.८९ मिटर बढेर खतराको तह पार गरेको विभागले जनाएको हो ।
हाल काठमाडौँ उपत्यकासहित देशभरमा पानी पर्ने क्रम जारी रहेको छ । पानी परिरहने भएकाले महाशाखाले सबैलाई सतर्क रहन पनि विभागले भनेको छ।
.gif)
