काठमाडौँ / नेपाल उद्योग वाणिज्य महासंघका अध्यक्ष चन्द्र ढकालले निजी क्षेत्रले आफ्नो फाईदाको लागि मात्रै कुरा नगर्ने बताएका छन् ।
नेपाल जग्गा आवास तथा विकास महासंघको तेस्रो महासभामा बोल्दै अध्यक्ष ढकालले यस्तो बताएका हुन ।
अध्यक्ष ढकालले भने, “पोलिसी बनाउने बेलामा निजी क्षेत्रकै फाइदाका लागि मात्रै पनि कुरा गर्छन् भन्ने परम्परागत बुझाईछ । तर, अहिले निजी क्षेत्रले आफ्नो फाइदाको लागि मात्रै कुरा गर्ने सम्भावना छैन । त्यो गर्नु पनि हुँदैन ।”
अध्यक्ष ढकालले हामीले ल्याएको नीति नियमहरू परिमार्जन गर्नुपर्ने बताए । उनले अहिले पचासौँ वर्ष पुरानो नीतिले गाइड गरिरहेको बताए ।
उनले भने, “हामीले पोलिसीहरू ल्याउँछौ । हामीले अहिले पचासौँ वर्ष पुरानो नीतिले गाइड गरिरहेको छ । यसलाई हामीले वास्तवमा समय सापेक्ष हिसाबबाट जान सकिएन भने, अथवा हामीले ल्याएका पोलिसीहरू सहि छैन भने करेक्सन नि गर्नु पर्यो । गलत पोलिसी ल्याइयो त्यसबाट रिजल्ट राम्रो आएन भने त करेक्सन पनि गर्नुपर्यो ।”
