काठमाडौँ / नेपालमै पहिलोपटक सुरु भएको ‘बिवाइडी अन्तर्राष्ट्रिय हट एयर बेलुन महोत्सव २०२४’ का अवसरमा बिवाइडी इलेक्ट्रिक गाडी ‘बिवाइडी एम ६’ सार्वजनिक गरिएको छ ।
चिनियाँ ब्रान्ड बिवाइडीको आधिकारिक बिक्रेता साइमेक्स इंकले बेलुन नेपाल फेस्टिवलको उद्घाटन समारोहमा एम६ वियोन्ड लिमिट्स सिरिज सार्वजनिक गरेको हो ।
बेलुन महोत्सवको मूख्य प्रायोजक बिवाइडीले बेलुन उडाएर बिवाइडी एम ६ गाडी लन्च गरेको हो। यो गाडी चारवटा रंगमा उपलब्ध छ ।
५८ लाख ९० हजार रुपैयाँ मुल्य तोकिएको यो इलेक्ट्रिक गाडीले एकपटकको चार्जमा ४४० किलोमिटरसम्म यात्रा गर्न सकिन्छ ।
बिवाइडीको एम ६ को १०० युनिट गाडी आजै डेलिभर गरिएको कम्पनीले जनाएको छ । नेपालमै पहिलो पटक भएको अन्तर्राष्ट्रिय बेलुन महोत्सव भने ९ दिनसम्म चल्नेछ ।
