बर्दिबास, महोत्तरीमा आतिथ्य र आनन्ददायी वातावरणको लागि लोकप्रिय होटल गुञ्जले आगामी अङ्ग्रेजी नयाँ वर्षको अवसरमा विशेष कार्यक्रम गर्ने भएको छ ।
रमाइलो वातावरण स्वादिलो परिकारहरूको साथ चर्चित कलाकारहरूको प्रस्तुति रहने नयाँ वर्ष विशेष कार्यक्रम मंगलबारदेखि बुधबारसम्म २ दिनसम्म सञ्चालन हुनेछ ।
होटल गुञ्जका अनुसार कार्यक्रममा न्यु ईयर ईभ र न्यु ईयरको दिनमा ‘समुन्द्र ब्यान्ड’ र ‘द हाईम्स ब्याण्ड’को संयुक्त लाईभ म्युजिकको प्रस्तुती रहनेछ । साथै डिजेहरूको प्रस्तुती, बार्बेक्यु नाईट र विभिन्न आतसबाजीलगायतको कार्यक्रम पनि रहेको छ ।
कार्यक्रमबारे बोल्दै होटल गुन्जका म्यानेजर शुसान्त कार्कीले भने, “हाम्रा अतिथीहरूको यो नयाँँ वर्ष वास्तवमै अविस्मरणीय रहोस् भन्नको लागि हामीले विविध प्रतिभाशाली व्यक्तित्वहरूको साथ मनोरञ्जनात्मक कार्यक्रम आयोजना गरेका छौँ । हामीलाई विश्वास छ कि संगीत, स्ट्यान्ड अप कमेडी र अन्य थुप्रै मनोरञ्जनात्मक गतिविधीहरूको साथ हाम्रा अतिथीहरुको नयाँ वर्ष साँच्चिकै नै रमाइलो हुनेछ । त्यसैले आफ्नो परिवार र साथीभाइहरूसँग नयाँ वर्ष विशेष बनाउनको लागि अहिले नै सिट बुक गर्न सक्नुहुनेछ ।”
नयाँ वर्ष उत्सवमा सामेल हुन चाहनेहरूको लागि प्रवेश निःशुल्क रहेको होटलले जनाएको छ ।
