इमानदारी वास्तवमा एक भुत्ते हतियार हो, जसबाट काटिन्छ कम र रगत बढी बग्छ । तपाईंको इमानदारीबाट मानिसहरूलाई चोट पुग्ने सम्भावना बढी हुन्छ ।
यसैले समझदारी यसैमा छ कि शब्दहरूलाई नापेर(तौलेर बोल्नुहोस् । बुद्धिमानी यसमा छ कि मानिसहरूसँग त्यही कुरा भन्नुहोस्, जे उनीहरू सुन्न चाहन्छन् ।
यो समझदारी होइन कि तपाई उनीहरूलाई त्यो कटु सत्यता बनाइदिनुहोस् जुन तपाईं महसुस गर्नु हुन्छ या सोच्नु हुन्छ ।
यसभन्दा पनि महत्वपूर्ण कुरा यो हो कि जब तपाईं आफ्ना विचार र भावी योजनाहरूका बारेमा खुलेर बताइदिनुहुन्छ, त्यस बेला तपाईंका बारेमा केही पनि लुकेको हुँदैन यस्तो स्थितिमा मानिसहरूले न त तपाईलाई सम्मान गर्नेछन्, न तपाईंसँग डराउने नै छन् ।
ध्यान दिनु पर्ने कुरा यो हो कि जसलाई मानिसहरू सम्मान गर्दैनन् या जोसँग मानिसहरू डराउँदैनन्, त्यस व्यक्तिकहाँ शक्ति कहिल्यै आउँदैन ।
तपाईं कुन उद्देश्यले काम गर्दै हुनुहुन्छ, यो व्यक्त हुन नदिनुहोस् । यसले गर्दा मानिसहरू झुक्किने छन् र आफ्नो योजना बनाउन पाउने छैनन् ।
यदि उनीहरूलाई यस कुराको अनुमान नै भएन कि तपाईं के गर्न चाहनुहुन्छ, अनि त उनीहरू आफ्नो रक्षाको योजना बनाउन सक्दैनन् । यसरी तपाईं उनीहरूलाई गलत दिशातिर निकै टाढासम्म लिएर जान सक्नुहुन्छ र निकै समयसम्म झुक्क्याउन सक्नुहुन्छ । जबसम्म उनीहरूलाई तपाईंका इच्छाहरू (विचारहरू) को जानकारी हुनेछ, त्यस बेलासम्म निकै ढिलो भइसकेको हुनेछ ।
शक्तिको चाबी धेरैजसो मानिसहरू खुला किताब जस्तै हुन्छन् । उनीहरू मनको कुरा तत्काल भनिदिन्छन्। उनीहरू मौका मिल्नासाथ आफ्नो विचार प्रकट गरिदिन्छन्। उनीहरू आफ्ना योजनाहरू र विचारहरूका बारेमा लगातार बोलिरहन्छन। उनीहरू यस्तो कैयौं कारणहरूले गर्छन् ।
पहिलो कुरा, आफ्ना भावनाहरू र भावी योजनाहरूका बारेमा कुराकानी गर्ने इच्छा हुनु सामान्य र स्वभाविक कुरा हो ।
आफ्नो जिभ्रोमा लगाम कस्नु र आफ्ना कुराहरूमाथि नियन्त्रण राख्नु मुस्किल हुन्छ ।
अर्को कुरा, कयौं मानिसहरू यो मान्छन् कि इमानदारी र स्पष्टवादिताबाट उनीहरू मानिसका हृदय जित्ने छन् र आफ्नो सज्जनतालाई प्रमाणित गर्नेछन् । उनीहरू निकै धोकामा रहन्छन्।
