काठमाडौँ / कालीमाटी फलफूल तथा तरकारी बजार विकास समितिले शनिबारको मूल्यसूची प्रकाशित गरेको छ । जसअनुसार आज करिब दुई दर्जन हरियो तरकारी र फलफूलको भाउ बढेको देखिन्छ । सुख्खायाम सुरु भएसँगै अधिकांश मौसमी तरकारी, सागसब्जीहरूको सिजन पनि सकिने भएकोले बजारमा कालीमाटीमा तरकारी र फलफूलको मूल्य बढेको हो । 

सूची अनुसार आज लोकल गाजरको औसत मूल्य प्रतिकेजी ४५ रुपैयाँ, तराई गाजर ३० रुपैयाँ, स्थानीय काउली र नेपाली गोलभेडा २२ रुपैयाँ ३३ पैसा, ज्यापु काउली, र हरियो फर्सी २५ रुपैयाँ, राजमा सिमी ९५ रुपैयाँ, घिरौला ५५ रुपैयाँ, लौका ४५ रुपैयाँ, चमसूरको साग ६५ रुपैयाँ, बूकला ३५ रुपैयाँ, कन्य च्याउ १७० रुपैयाँ र डल्ले च्याउ ३३० रुपैयाँ पुगेको छ । 

यसैगरी, कुरीलोको भाउ बढेर प्रतिकेजी ९ सय रुपैयाँ, ब्रोकाउली र खरबुजा ४५ रुपैयाँ, सजिवन २२६ रुपैयाँ ६७ पैसा, कोइरालो १७० रुपैयाँ, गान्टे मूला ५५ रुपैयाँ, फूजी स्याउ ३३० रपैयाँ, भारतीय सुन्तला १२५ रुपैयाँ, हाइब्रीड काक्रो २५ रुपैयाँ, भारतीय मेवा १०८ रुपैयाँ ३३ पैसा,  स्ट्रबेरी भुईऐसेलु २२६ रुपैयाँ ६७ पैसा, अदुवा ११० रुपैयाँ, सुकेको खुर्सानी ३१६ रुपैयाँ ६७ पैसा र हरियो धनिया ८५ रुपैयाँ तोकिएको छ । 

विस्तृत तालिकामा हेर्नुस्