काठमाडौँ / आइतबार कालीमाटी तरकारी बजारमा कोइरालाको भाउ सबैभन्दा बढी ८६ रुपैयाँ ८७ पैसाले सस्तिएको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज कोइरालाको भाउ २७६ रुपैयाँ ६७ पैसाबाट घटेर १९० रुपैयाँमा झरेको हो ।

यसैगरी, रातो आलु (भारतीय)को भाउ घटेर ३३ रुपैयाँमा झरेको छ भने सुकेको प्याज ५५ रुपैयाँ ३३ पैसा, तराई गाजर २२ रुपैयाँ ३३ पैसा, स्थानीय काउली १२ रुपैयाँ ३३ पैसा, सेतो मूला (हाइब्रीड) २२ रुपैयाँ ३३ पैसा, लाम्चो भन्टा ३५ रुपैयाँ, डल्लो भन्टा, पाकेको फर्सी र लोकल काक्रो ४५ रुपैयाँ, पिंडालू ८५ रुपैयाँ, मेथीको साग ५१ रुपैयाँ ६७ पैसा, बकूला ३५ रुपैयाँ, फूजी स्याउ ३१३ रुपैयाँ ३३ पैसा र निबुवा ४५ रुपैयाँ कायम भएको छ । 

यता, तितो करेलाको भाउ बढेर प्रतिकेजी १०५ रुपैयाँ कायम भएको छ भने कन्य च्याउ ११६ रुपैयाँ ६७ पैसा, पार्सले २९३ रुपैयाँ ३३ पैसा, पुदीना २७६ रुपैयाँ ६७ पैसा, भारतीय सुन्तला ११७ रुपैयाँ ६७ पैसा, हाइब्रीड काक्रो ३५ रुपैयाँ, हरियो खुर्सानी ९५ रुपैयाँ, बुलेट खुर्सानी १०१ रुपैयाँ ६७ पैसा, भेडे खुर्सानी ९५ रुपैयाँ र हरियो धनिया ७५ रुपैयाँ तोकिएको छ । 

विस्तृत तालिकामा हेर्नुस्