काठमाडौँ / कालीमाटी फलफूल तथा तरकारी बजार विकास समितिले आज मङ्गलबारको मूल्यसूची प्रकाशित गरेको छ । जसअनुसार आज केही तरकारी र फलफूलको भाउ बढेको छ भने केहीको घटेको छ ।

आज सुकेको प्याज (भारतीय)को औसत मूल्य घटेर प्रतिकेजी ५२ रुपैयाँ ७५ पैसा कायम भएको छ भने सेतो लोकल मूला १२ रुपैयाँ ३३ पैसा, तने बोडी ११० रुपैयाँ, राजमा घिउ सिमी ९५ रुपैयाँ, टाटे सिमी ६५ रुपैयाँ, तितो करेला ११५ रुपैयाँ, घिरौला ५५ रुपैयाँ, डल्ले च्याउ ३२६ रुपैयाँ ६७ पैसा, कुरीलो ६०० रुपैयाँ, कोइरालो १६० रुपैयाँ र अमला प्रतिकेजी ८५ रुपैयाँ निर्धारण गरिएको छ । 

यसैगरी, तराई गाजरको औसत मूल्य प्रतिकेजी ३२ रुपैयाँ ६७ पैसा, स्थानीय काउली ३५ रुपैयाँ, स्थानीय ज्यापु काउली ३५ रुपैयाँ, लाम्चो भन्टा ३२ रुपैयाँ ६७ पैसा, हाइब्रीड घिउ सिमी ६५ रुपैयाँ ६७ पैसा, लौका, रातो बन्दा र ग्याठ कोबी ५५ रुपैयाँ, भिण्डी ११० रुपैयाँ, पालूगो र मेथीको साग ६५ रुपैयाँ, हरियो प्याज ४५ रुपैयाँ, न्यूरो ११५ रुपैयाँ, जुनार १६३ रुपैयाँ ३३ पैसा, हाइब्रीड काक्रो ३५ रुपैयाँ, चाइनिज नासपाती २५० रुपैयाँ, लप्सी १२५ रुपैयाँ, सुकेको खुर्सानी ३७६ रुपैयाँ ६७ पैसा र हरियो खुर्सानी ७५ रुपैयाँ तोकिएको छ । 

विस्तृत तालिकामा हेर्नुस्