काठमाडौँ / नेपाल इन्भेष्टमेन्ट मेगा बैङ्कले आफ्ना मोवाइल बैङ्किङ्ग प्रयोगकर्ताहरूका लागि ‘फन्ड ट्रान्सफर’मा मोवाइल फोन हातमा’ अफर सार्वजनिक गरेको छ । बैङ्कले एनसिएचएलसँगको सहकार्यमा उक्त अफर सार्वजनिक गरेको हो । 

सो अफर अन्तर्गत हरेक तीनजना भाग्यशाली मोवाइल बैङ्किङ्ग प्रयोगकर्ताले नेपाल इन्भेष्टमेन्ट मेगा बैङ्कको एनआइएमबि स्मार्ट एपबाट कनेक्ट आइपिएसलाई छनोट गरी फण्ड ट्रान्सफर गर्दा १–१ थान स्मार्टफोन जित्न सक्नेछन् । 

सो अफर मंसिर १० गते देखि पुस ९, २०८० गतेसम्म लागु हुनेछ । एनआइएमबि स्मार्ट एपमा उपलब्ध कनेक्ट आइपिएसलाई छनोट गरी फण्ड ट्रान्सफर गर्ने तीनजना प्रयोगकर्तालाई अफरको अन्त्यमा विजेता घोषणा गरिनेछ । सोको जानकारी नेपाल इन्भेष्टमेन्ट मेगा बैङ्कको आधिकारिक सामाजिक सञ्जालमा प्रकाशन गरिने छ । 

फण्ड ट्रान्सफर गर्नका निम्ति आफ्नो एनआएएमबि स्मार्ट एपमा लग–इन गरी, फन्ड ट्रान्सफर मा क्लिक गरी फण्ड ट्रान्सफर गर्न कनेक्ट आइपिएसलाई छनोट गर्नुपर्ने हुन्छ । 

मोबाइल बैङ्किङ्गबाट फण्ड ट्रान्सफर गर्न कनेक्ट आइपिएस एक न्यूनतम शुल्क लाग्ने सजिलो माध्यम हो । भुक्तानी तथा ट्रान्सफरका निम्ति मोबाइल बैङ्किङ्गको बढ्दो प्रयोग र लोकप्रियतालाई यस अफरले थप प्रर्वद्धन गर्ने विश्वास गरिएको छ । 

कनेक्ट आइपिएसको फण्ड ट्रान्सफरको विकल्प ५० भन्दा बढी बैङ्क तथा वित्तीय संस्थाको मोवाइल बैङ्किङ्गमा उपलब्ध रहेको छ भने उक्त माध्यमबाट फण्ड ट्रान्सफर गर्न कनेक्ट आइपिएसमा छुट्टै रजिष्टर गर्न आवश्यक छैन । एनआएएमबि स्मार्टमा रहेको कनेक्ट आइपिएसमार्फत प्रति दिन प्रति कारोबार २ लाख रुपैयाँसम्मको फण्ड ट्रान्सफर गर्न सकिन्छ ।