काठमाडौँ / कुमारी बैंक लिमिटेडको नाफा ८१ करोड ४२ लाख ४२ हजार रुपैयाँले बृद्धि भएको छ । बैंकले सार्वजनिक गरेको चालु आर्थिक वर्षको पहिलो त्रैमासिक वित्तीय विवरणअनुसार बैंकको नाफा ३०८.५० प्रतिशतले बढेको हो । 

बैंकले गत बर्ष असोज मसान्तमा २६ करोड ३९ लाख ३५ हजार रुपैयाँ नाफा कमाएको बैंकले यस बर्ष सोही अवधिमा भने १ अर्ब ७ करोड ८१ लाख ७७ हजार रुपैयाँ नाफा कमाएको हो । 

बैंकको इम्पेरिमेन्ट चार्ज घटेकाले नाफामा टेवा पुगेको देखिन्छ । ३ अर्ब १८ करोड रुपैयाँ रहेको इम्पेरिमेन्ट चार्ज अहिले ६३ करोडमा झरेको छ ।

खुद ब्याज आम्दानी ७७५ प्रतिशतले घटेको छ । गत आवको पहिलो त्रैमासमा ३ अर्ब ४ करोड रहेको खुद ब्याज आम्दानी अहिले घटेर २ अर्ब ८० करोड रुपैयाँ कायम भएको हो । 

त्यस्तै, बैंकको वितरणयोग्य नाफा भने ३ अर्ब ३२ करोड रुपैयाँ ऋणात्मक छ । सिडी रेसियो ८६.९१ प्रतिशत रहेकोमा अहिले घटेर ८२.८८ प्रतिशतमा झरेको छ। 

बैंकको वार्षिक प्रतिसेयर आम्दानी १६ रुपैयाँ ४४ पैसा छ । पहिले यस्तो आम्दानी ४ रुपैयाँ ३ पैसा थियो । बैंकको प्रतिसेयर नेटवर्थ १४६ रुपैयाँ २२ पैसा छ ।

बैंकको निष्क्रिय कर्जा ०.०७ प्रतिशतले बढेको छ । गत वर्षको असोज मसान्तसम्म ४.८९ प्रतिशत रहेको खराब कर्जा यो वर्ष सोही अवधिमा बढेर ४.९६ प्रतिशत पगेको हो । 

बैंकको बेस रेट १०.९१ बाट ७.४८ प्रतिशतमा झरेको छ भने ब्याजदर स्प्रेड ३.८६ प्रतिशत छ ।