.jpg)
काठमाडौँ / राष्ट्रिय प्रजातन्त्र पार्टी (राप्रपा)का महामन्त्री तथा सांसद धवलशमशेर राणा सवार भारतीय नम्बर प्लेटको गाडी सिंहदरबारबाट बाहिर निकालिएको छ । भन्सार अनुमतिको म्याद सकिएको भारतीय नम्बर प्लेटको गाडीमा सांसद राणा आज अपरान्ह सिंहदरबार पुगेका थिए ।
सिंहदरबारस्थित समितिको बैठकमा सहभागी हुन् उनी नियमविपरीत उक्त गाडीमा गएका थिए । भन्सार अनुमति पास समेत नभएको गाडीमा गएको भन्दै प्रहरीले राणासहित गाडीलाई बाहिर निकालेको जनाइएको छ ।
राणाले आफ्नो नातेदारहरू गाडीमा भारतबाट आएको र सोही गाडीमा आफू सिंहदरबार गएको बताएका छन् । ल्याउन मिल्छ कि मिल्दै थाहा नभएर भन्सार अनुमति सकिएको गाडीमा आफु सिंहदरबार पसेको राणाले बताएका छन् ।
.gif)
