काठमाडौँ / नेपाली बजारमा बुधवार सुनको मूल्य घटेको छ । नेपाल सुनचाँदी महासंघको अनुसार आज बुधबार सुनको मूल्य प्रतितोला ३ सय रुपैयाँले सस्तिएको हो ।
अघिल्लो दिन प्रतितोला १ लाख १६ हजार ३ सय रुपैयाँमा कारोबार भएको छापावाला सुनको मूल्य आज तोलामा ३ सय रुपैयाँ घट्दै १ लाख १६ हजार रुपैयाँ कायम भएको हो ।
यस्तै, आज तेजाबी सुनको मूल्य समेत तोलामा ३ सय रुपैयाँले नै सस्तिँदै १ लाख १५ हजार ४ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यता चाँदीको मूल्य भने आज तोलामा १० रुपैयाँले घट्दै १ हजार ४ सय रुपैयाँमा कारोबार भइरहेको महासंघले जनाएको छ । अघिल्लो कारोबारको दिन चाँदी प्रतितोला एक हजार ४ सय १० रुपैयाँमा कारोबार भएको थियो ।
.gif)
