इलाम / प्रतिनिधि सभा अन्तगरत इलाम–२ मा भएको उपनिर्वाचनमा नेकपा एमालेका सुहाङ नेम्वाङले ७ हजार मतसहित अग्रता कायमै राखेका छन् ।
फाकफोक थुम गाउँपालिका र चुलाचुली गाउँपालिकाको १, २, ३ र ५ वडाको मत गन्दा उनले १ हजार ९२४ बढी मतले अग्रता कायम राखेका हुन् ।
हालसम्म सुहाङले ७ हजार ३३ मत पाएका छन् भने उनका निकटतम प्रतिद्वन्द्वी डम्बरबहादुर खड्का ५ हजार १०९ मतसहित उनलाई पछ्याइरहेका छन् ।
त्यस्तै, स्वतन्त्र उम्मेदवार डकेन्द्रसिंह लिम्बुले ३ हजार ५१३ मत प्राप्त गरेका छन् ।
रास्वपा उम्मेदवार मिलन लिम्बु भने सुरुवाती चरणदेखि चौथो स्थानबाट अघि बढ्न सकेका छैनन् । उनले हालसम्म १ हजार १०२ मत प्राप्त गरेका छन् ।
