काठमाडौँ / साताको पहिलो कारोबार दिन आइतबार नेप्से परिसूचक २९.८२ अङ्कले बढेको छ । यो दिन नेप्से  १.११ प्रतिशतले बढेर २६९३.१२ बिन्दुमा पुगेको छ । 

आज सेयर बजारमा २२२ कम्पनीको मूल्य बढ्दा २२ कम्पनीको मूल्य घटेको छ । नेप्सेसँगै कारोबार रकम पनि बृद्धि भएको छ । कारोबार अवधिभर आज ७ अर्ब ५६ करोड ८२ लाख २६ हजार रुपैयाँ बराबरको सेयर कारोबार भएको छ । 

कुल ३२३ धितोपत्रको १ करोड ५५ लाख ७२ हजार ८६२  कित्ता सेयर ७६ हजार ३५४ पटकमा खरिद बिक्री भएको छ । 
आइतबार तीन समूहको परिसूचक २ प्रतिशतभन्दा बढीले बृद्धि भएको छ । जसमा सर्वाधिक बढी लगानी समूहको २.१८ प्रतिशतले बढेको छ भने अन्य २.०८ प्रतिशत र वित्त २.०१ प्रतिशतले बृद्धि भएका हुन् । 

यसैगरी, होटल्स तथा पर्यटन समुहको परिसूचक १.४१ प्रतिशत, हाइड्रोपावर १.५४ प्रतिशत, निर्जीबन बिमा ०.७८ प्रतिशत, बैंकिङ उपसमूह र विकास बैंक ०.८२ प्रतिशत, जीवन बिमा ०.८५ प्रतिशत, उत्पादन तथा प्रशोधन ०.५८ प्रतिशत र लघुवित्त ०.६२ प्रतिशतले बृद्धि भएको छ । यता, व्यापार समूह ०.२६ प्रतिशत र म्युचुअल फण्ड ०.१५ प्रतिशतले घटेको छ । 

आइतबार सर्वाधिक बढी जोशी हाइड्रोपावर डेभलपमेन्ट कम्पनीको सेयर मूल्य ९.९४ प्रतिशतले बढेर प्रतिकित्ता ३९३ रुपैयाँ २६ पैसा कायम भएको छ भने दोर्दी खोला जलविद्युत कम्पनीको  सेयर मूल्य ६.५९ प्रतिशतले बढेर ३९४ रुपैयाँ ५१ पैसा कायम भएको छ । यसैगरी, कुमारी सबल योजनाको इकाइ मूल्य ६.३९ प्रतिशतले बढेर प्रतिइकाइ ९.१६ रुपैयाँ कायम भएको छ । 

त्यस्तै, प्रभु स्र्मा फण्डको इकाइ मूल्य ५.७९ प्रतिशतले घटेर प्रतिइकाइ १० रुपैयाँ ४२ पैसा कायम भएको छ भने सयपत्री हाइड्रोपावर ३.८९ प्रतिशतले घटेर ७६७ रुपैयाँ ६६ पैसामा झरेको छ । 

आइतबार सबैभन्दा बढी हिमालयन रिइन्स्योरेन्स लिमिटेडको सेयर कारोबार रकम सर्वाधिक बढी रहेको छ । यसदिन हिमालयन रिइन्स्योरेन्सको ६९ करोड १९ लाख ७७  हजार रुपैयाँ बराबरको सेयर कारोबार भएको हो । 

त्यस्तै, नेपाल रिइन्स्योरेन्स कम्पनी लिमिटेडको ४७ करोड ८४ लाख ८२ हजार रुपैयाँ बराबरको सेयर कारोबार भएको छ ।