.jpg)
काठमाडौँ / सानिमा बैङ्क लिमिटेडको फोनपे क्यूआरमार्फत भारतीय ग्राहकहरूले अन्तरदेशीय भुक्तानी गर्न सक्ने भएका छन् । बैङ्कले फोनपे पेमेन्ट सर्भिस प्रा.लि.सँग भारतीय नागरिकहरूलाई सहज र सजिलो डिजिटल भुक्तानीका लागि सहकार्य गरेको अन्तरदेशीय भुक्तानी सहज भएको हो ।
यस सहकार्य अन्तर्गत, भारतीय नागरिकहरूले अब फोनपे, भीम एप र युपिआइमार्फत फोनपे नेटवर्क अन्तर्गतका क्यूआर कोड स्क्यान गरी डिजिटल भुक्तानी गर्न सक्नेछन् ।
सो सहकार्यबाट नेपाल भ्रमण गर्ने भारतीय नागरिकहरूले नेपालमा सुरक्षित र सुनिश्चित डिजिटल माध्यमबाट झन्झटमुक्त भुक्तानीको अनुभव प्राप्त गर्न सकिने बैङ्कले विश्वास लिएको छ ।
सानिमा बैङ्कका देशका सातै प्रदेशमा १३३ कार्यालयहरु तथा १२४ वटा एटिएम सञ्जाल रहेका छन् ।
.gif)
