काठमाडौँ / सन् २०२४ को मेसम्ममा पाँच लाख पर्यटक नेपाल भित्रिएक छन् । 

पर्यटन बोर्डले सार्वजनिक गरेको तथ्याङ्क अनुसार सन् २०२४ को मे महिनामा ९० हजार पर्यटक भित्रिएका छन्। यो संगै पाँच महिनाको अवधी (जनवरीदेखि मार्चसम्म) मा ५ लाख ६ हजार २८० पर्यटक नेपाल भित्रिएका हुन् ।

कुन महिनामा कति ? 

जनवरी– ७९ हजार एक सय
फेब्रुअरी– ७९ हजार ४२६
मार्च– एक लाख २८ हजार १६७
अप्रिल– एक लाख ११ हजार ३७६ 
मे – ९० हजार २११

कुन देशबाट कति ? 

नेपाल आउने पर्यटकमध्ये भारतीय पहिलो स्थानमा छन् । पछिल्लो पाँच महिना भारतबाट मात्र १ लाख ४८ हजार ८ सय ६१ पर्यटक नेपाल आएका छन् ।

मे २०२४ मा मात्र भारतबाट ३८ हजार २ सय ८८ नेपाल आएका छन् । दोस्रो स्थानमा चिनियाँ छन् । पाँच महिनामा चीनबाट ४६ हजार ६ सय ७१ आएका छन् । मेमा मात्र ८ हजार ३ सय ८१ चिनियाँ नेपाल आएको आँकडा छ । जुन अघिल्लो वर्षको तुलनामा ७९.६ प्रतिशत धेरै हो ।

अमेरिकाबाट पाँच महिनामा ४५ हजार ३ सय ७३ पर्यटक नेपाल आएको तथ्यांक छ । मे २०२४ मा अमेरिकाबाट ८ हजार ५ सय २७ नेपाल आएका छन् । अघिल्लो वर्ष यसै महिना अमेरिकाबाट ८ हजार ४ सय ५४ आएका थिए ।

२०२४ मेमा बंगलादेशबाट अघिल्लो वर्षको तुलनामा ५९.८ प्रतिशत धेरै पर्यटक आएका छन् । त्यहाँबाट कुल ३ हजार ४ सय ५८ नेपाल भ्रमणमा आएको तथ्यांक छ ।

बेलायतबाट यो महिनामात्र २ हजार ८ सय २ जना नेपाल आएका छन् । थाइल्यान्ड, म्यानमारजस्ता मुलुकबाट भने नेपालले अपेक्षित पर्यटक भित्र्याउन सकेको छैन ।