काठमाडौँ / पछिल्लो बर्षमा धितोपत्र दोस्रो बजारमा हुने अडलट कारोबार बढ्दो क्रममा छ । 

नेपाल स्टक एक्सचेञ्ज (नेप्से)ले सार्वजनिक गरेको तथ्याङ्कअनुसार गत आर्थिक वर्ष (आव) २०८०/८१ मा धितोपत्रको दोस्रो बजारमा १० अर्ब ८९ करोड रुपैयाँभन्दा बढीको अडलट कारोबार भएको छ ।

यो अडलट कारोबार अघिल्लो आर्थिक बर्ष २०७९/८० को तुलनामा २९२.५९ प्रतिशतले बढेको हो । तथ्याङ्कअनुसार अघिल्लो आवको अन्त्यमा २ अर्ब ७७ करोड रुपैयाँ बराबरको अडलट कारोबार भएको थियो ।

दोस्रो बजारमा कारोबार रकम बढेसँगै अडलट कारोबारसमेत बढेको नेप्सेले जनाएको छ । कारोबार रकमसँगै कित्तामा पनि वृद्धि भएको छ ।

अघिल्लो आवमा अडलटमा १ करोड ७६ लाख १२ हजार कित्ता कारोबार भएकोमा गत आव बढेर ४ करोड ४२ लाखभन्दा बढी कित्ता पुगेको छ । 

यस्तो छ पछिल्ला दुई आर्थिक बर्षको अडलट कारोबार