काठमाडौँ / आज बुधबार नेपाल स्टक एक्सचेन्ज (नेप्से) सामान्य अङ्कले बढेको छ ।
नेपाल स्टक एक्सचेन्ज (नेप्से) को अनुसार आज नेप्से परिसूचक २.११ अङ्क अर्थात ०.०७ प्रतिशतले बढेर २ हजार ९ सय ६८.४४ बिन्दुमा उक्लिएको छ ।
नेप्सेको अनुसार आज सेन्सेटिभ इन्डेक्स १.२५ अङ्क अर्थात ०.२३ प्रतिशतले बढेर ५३०.११ बिन्दुमा उक्लिएको छ भने फ्लट इन्डेक्स ०.१८ अङ्क अर्थात ०.०९ प्रतिशतले बढेर २०४.८१ बिन्दुमा पुगेको छ ।
त्यस्तै, सेन्सेटिभ फ्लट इन्डेक्स भने आज ०.८१ अङ्क अर्थात ०.४६ प्रतिशतले बढेर १७६.०३ बिन्दु कायम भएको छ ।
आज बुधबार ३३७ ओटा कम्पनीको ४ करोड १४ लाख ५४ हजार ६११ कित्ता सेयर १८ अर्ब ९० करोड ६३ लाख ७३ हजार ७९२ रुपैयाँ बराबरको कारोबार भएको छ ।
हिमालयन रिइन्स्योरेन्सको कारोबार सबैभन्दा धेरै
आज सबैभन्दा धेरै हिमालयन रिइन्स्योरेन्सको शेयर कारोबार भएको छ । आज यस कम्पनीको ६६ करोड २ लाख रुपैयाँको शेयर कारोबार भएको छ ।
यस्तै, अपी पावर कम्पनीको ४५ करोड ७८ लाख रुपैयाँको शेयर कारोबार भएको छ । एभरेष्ट बैंकको ४५ करोड माथिको शेयर कारोबार भएको छ ।
यी कम्पनीका लगानीकर्ताले कमाए सार्वधिक
आज सबैभन्दा धेरै कर्पोरेट डेभलपमेन्ट बैंक, सिन्धु विकास बैंक, रिलायन्स फाइनान्स र दोल्ती पावर कम्पनीका लगानीकर्ताले कमाएका छन् । यी चार कम्पनीका लगानीकर्ताले १० प्रतिशतका दरले कमाएका छन् ।
कर्णाली डेभलपमेन्ट बैंकका लगानीकर्ताले गुमाए सार्वधिक
आज सबैभन्दा धेरै कर्णाली डेभलपमेन्ट बैंकका लगानीकर्ताले गुमाएका छन् । आज यस कम्पनीका लगानीकर्ताले १० प्रतिशतका दरले गुमाएका छन् ।
