काठमाडौँ / पुस ९ गते (मङ्गलबार) बसेको मन्त्रिपरिषद् बैठकले १२ निर्णय गरेको छ । मङ्गलबार बसेको मन्त्रिपरिषद् बैठकका निर्णय बिहीबार सिंहदरबारमा पत्रकार सम्मेलनमार्फत सार्वजनिक गरिएको हो ।
सरकारका प्रवक्ता एवम् सूचना, सञ्चार तथा प्रविधिमन्त्री पृथ्वीसुब्बा गुरुङले बैठकले विभिन्न १२ वटा निर्णय सार्वजनिक गरेका हुन् । बैठकले मानव तस्करी, हुण्डी, भर्चुअल मुद्रा प्रयोग, अनुचित लेनदेन, खेलमा मिलेमतो तथा अनियमितता र अनुमतिपत्र नलिई क्यासिनो सञ्चालन गरेमा कसूर तोक्ने निर्णय गरेको छ ।
यसैगरी, बिमा प्राधिकरणको अध्यक्ष तोक्न सरकारले राष्ट्रिय योजना आयोगको सदस्यको संयोजकत्वमा समिति गठन रेको छ । यसैगरी सञ्चारमन्त्री गुरुङले सवारी तथा यातायात व्यवस्था (दशौं संशोधन) नियमावली, २०८१ स्वीकृत गरेको निर्णय बैठकले गरेको जानकारी दिए ।
यसैगरी, सहकारीसम्बन्धी केही नेपाल ऐनलाई संशोधन गर्न बनेको अध्यादेश जारी गर्न राष्ट्रपति रामचन्द्र पौडेलसमक्ष सिफारिस गर्ने निर्णय पनि बैठकले गरेको छ ।
विस्तृतमा हेर्नुस्
