काठमाडौँ / कालीमाटी फलफूल तथा तरकारी बजार विकास समितिको मूल्यसूची अनुसार आज सोमबार पनि केही तरकारी र फलफूलको भाउ बढेको छ । आज सबैभन्दा बढी पार्सले प्रतिकेजी करिब ४१७ रुपैयाँले बढेको छ भने अन्य तरकारी र फलफूलको भाउ पनि बढेको छ । 

यसअघि प्रतिकेजी ६५ रुपैयाँ रहेको ठूलो गोलभेडा (भारतीय) को मूल्य प्रतिकेजी १० रुपैयाँले बढेर ७५ रुपैयाँ, टनेल गोलभेडा ३३ रुपैयाँ २५ पैसा, लोकल गाजर ११० रुपैयाँ, डल्लो भन्टा ४५ रुपैयाँ, टाटे सिमी ७५ रुपैयाँ, भटमासकोशा ९५ रुपैयाँ र तने बोडी ५५ रुपैयाँ पुगेको छ । यी सबै तरकारीको मूल्य अघिल्लो दिनको तुलनामा प्रतिकेजी १० रुपैयाँले बढेको हो । 

यसैगरी, झिगुनी प्रतिकेजी २० रुपैयाँले बढेर ६५ रुपैयाँ पुगेको छ भने भिण्डी करिब ८ रुपैयाँले बढेर ३५ रुपैयाँ कायम गरिएको छ । यता, डल्ले च्याउको भाउ प्रतिकेजी ८३ रुपैयाँभन्दा बढीले बृद्धि भएर ४१० रुपैयाँ, पुगेको छ भने पार्सले करिब ४१७ रुपैयाँले बढेर १६ सय ६६ रुपैयाँ ६७ पैसा पुगेको छ । 

मूल्यसूची अनुसार तोफु प्रतिकेजी १० रुपैयाँले बढेर १२० रुपैयाँ, अनार ५० रुपैयाँभन्दा बढीले महँगो भएर ४२६ रुपैयाँ ६७ पैसा, लोकल काक्रो ५५ रुपैयाँ, हरियो खुर्सानी ७५ रुपैयाँ, बुलेट खुर्सानी ९५ रुपैयाँ, माछे खुर्सानी ७५ रुपैयाँ र हरियो धनिया १९० रुपैयाँ तोकिएको छ । 

विस्तृत तालिकामा हेर्नुस्