पर्सा / पर्सा जिल्लाको विन्दवासिनी गाउँपालिका–३ ईटियाही चोकबाट असोज ६ गते सशस्त्र प्रहरीले १ सय ४५ केजी गाँजा बरामद गरेको छ ।
सोही गाउँपालिका –४ मधवलबाट इंटियाहीतर्फ जाँदै गरेको बा.१५ च. ७९५६ नम्बरको कारमा सवार व्यक्तिहरुले सशस्त्र प्रहरीलाई टाढैबाट देख्नासाथै कार छाडी फरार भएका थिए ।
बिओपी अमरपट्टीले कारमा चेकजाँच गर्दा गाडीको सिट र डिकीमा लुकाई छिपाई राखेको प्रतिबन्धित लागुऔषध १५ पोका गाँजा फेला पारेको हो ।
बरामद गाँजा तथा कार ईलाका प्रहरी कार्यालय पोखरियामा बुझाईएको छ ।