काठमाडौँ / केही दिन यता काठमाडौँमा हरियो तरकारीको मूल्य बढ्ने क्रम रोकिएको छैन । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार स्थानीय काउलीको मूल्य प्रतिकेजी ३० रुपैयाँले बढेर ४६ रुपैयाँ १५ पैसा पुगेको छ भने रातो मूला ४५ रुपैयाँ, सेतो मूला ३५ रुपैयाँ, भन्टा ७५ रुपैयाँ, तने बोडी १२५ रुपैयाँ , मकै बोडी र सिमी ९५ रुपैयाँ पुगेको छ । 

त्यस्तै, परवरको भाउसमेत बढेर आज ११० रुपैयाँ पुगेको छ भने सखरखण्ड ९५ रुपैयाँ, बरला १३० रुपैयाँ, स्कूस ३७ रुपैयाँ ६७ पैसा, जिरी र रायोको साग १४५ रुपैयाँ, पालूगो साग १४० रुपैयाँ, कन्य च्याउ २६६ रुपैयाँ ६७ पैसा, ब्रोकाउली १९० रुपैयाँ, माछे खुर्सानी ११० रुपैयाँ, भेडे खुर्सानी २७६ रुपैयाँ ६७ पैसा र हरियो खुर्सानी ११५ रुपैयाँ तोकिएको छ । 

विस्तृत तालिकामा हेर्नुस्