काठमाडौँ / साताको तेस्रो कारोबार दिन मङ्गलबार सेयर कारोबार मापक नेप्से परिसूचकमा गिरावट आएको छ । नेपाल स्टक एक्सचेञ्जका अनुसार, नेप्से परिसूचक २७.३९ अङ्कले घटेर २ हजार ६ सय ६३.३२ मा झरेको हो।
ठूला कम्पनीको सेयर कारोबार मापन गर्ने सेन्सेटिभ परिसूचक ३.५५ अङ्कले ओरालो लागेर ४ सय ८०.२३ मा सीमित भएको छ । कारोबार भएका १३ वटै उपसमूहको सेयर मूल्यमा गिरावट आएको छ ।
नेप्से परिसूचकसँगै आज कारोबार रकममा पनि गिरावट आएको छ । सोमबार ७ अर्ब बराबरको सेयर कारोबार भएकोमा आज ४ अर्ब रुपैयाँको कारोबार भएको हो ।
कूल एक करोड तीन लाख ३० हजार ५ सय २ कित्ता सेयर ४ अर्ब ५९ करोड ३७ लाख २७ हजार २ सय ४४ मूल्यमा खरिद–बिक्री भएको छ ।
नेप्सेका अनुसार, मिड सोलु हाइड्रोपावर १०, बुटवल पावर कम्पनी ६.८३, माण्डु हाइड्रोपावर ६.३१, प्रभु स्मार्ट फन्ड ५.९६ र थ्री स्टार हाइड्रोपावरका लगानीकर्ताले ५.४४ प्रतिशतले कमाएका छन् ।
इस्टर्न हाइड्रोपावर ८.५०, बुद्धभूमि नेपाल हाइड्रोपावर ७.२४, नेपाल फाइनान्स ६.९८, बोटलर्स नेपाल तराई ५.८८ र कालीञ्चोक दर्शनका लगानीकर्ताले ५.५० प्रतिशतले गुमाएका छन् ।
मङ्गलबार एनएलजी इन्स्योरेन्सको सेयर कारोबार सर्वाधिक बढी रहेको छ । आजको कारोबार रकममा एनएलजी इन्स्योरेन्सको हिस्सा २७ करोड १७ लाख रुपैयाँभन्दा बढी रहेको छ ।
त्यस्तै, नेपाल फाइनान्सको २३ करोड ९७ लाख रुपैयाँ, हिमालयन रिइन्स्योरेन्सको १३ करोड ७६ लाख रुपैयाँ, एनआइसी एशिया बैंकको १२ करोड ८६ लाख र गुडवील फाइनान्सको १० करोड ५८ लाख रुपैयाँ रहेको छ ।
.gif)
