काठमाडौँ / काठमाडौँमा केही तरकारीको मूल्यमा आज (मंगलबार) पनि बृद्धि भएको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार सोमबारको तुलनामा मंगलबार कुरीलोको भाउ दोब्बरले बढेको छ ।

सोमबार प्रतिकेजी ४५० रुपैयाँ रहेको कुरीलोलाई आज ९ सय रुपैयाँ पर्नेछ भने भारतीय ठूलो गोलभेडाको भाउसमेत बढेर आज प्रतिकेजी १४५ रुपैयाँ पुगेको छ । 

केही दिनयता, काठमाडौँमा गोलभेडाको भाउसमेत आकाशिएको छ । बजारमा टनेल गोलभेडाको मूल्य प्रतिकेजी २ सय रुपैयाँसम्म पुगेको भए पनि कालीमाटी यसको थोक मूल्य भने १३५ रुपैयाँ पुगेको छ । सोमबार टनेल गोलभेडाको भाउ ११५ रुपैयाँ रहेको थियो । 

यता, लोकल सानो गोलभेडाको भाउ पनि बढेर आज ११५ रुपैयाँ पुगेको छ भने रातो आलु प्रतिकेजी ८३ रुपैयाँ ३३ पैसा, सेतो लोकल मूल्या ३७ रुपैयाँ ६७ पैसा, परवर, बोडी, घरौला र भन्टा ७५ रुपैयाँ, मटरकोशा १७५ रुपैयाँ, तोरीको साग ९० रुपैयाँ, कन्य च्याउ ११६ रुपैयाँ ६७ पैसा, पुदीना ९५० रुपैयाँ, झोले स्याउ २३६ रुपैयाँ ६७ पैसा र हरियो लसुन ३१० रुपैयाँ पुगेको छ । 
विस्तृत तालिकामा हेर्नुस्