काठमाडौँ / काठमाडौँमा दुई दर्जन बढी हरियो साग, तरकारी, फलफूलको मूल्य बढेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज पनि केही तरकारी र फलफूलको भाउ बढेको हो । 

यसअघि रातो आलु प्रतिकेजी ५७ रुपैयाँ रहेकोमा आज बढेर ६१ रुपैयाँ पुगेको छ भने सुकेको प्याज (भारतीय) १०२ रुपैयाँ ६७ पैसा, लोकल गाजर १२० रुपैयाँ, लोकल बन्दा ५५ रुपैयाँ र तराई बन्दा ४५ रुपैयाँ तोकिएको छ । 

यसैगरी, स्थानीय काउलीको भाउ बढेर १२० रुपैयाँ पुगेको छ भने रातो मूला ५५ रुपैयाँ, सेतो लोकल मूला ३८ रुपैयाँ ३३ पैसा, हाइब्रीड सेतो मूला ४१ रुपैयाँ ६७ पैसा, मकै बोडी ६५ रुपैयाँ, घिउ सिमी ९० रुपैयाँ, तितो करेला ९० रुपैयाँ, बरेला र रायोको साग ७५ रुपैयाँ, चुकुन्दर र पिंडालू ९५ रुपैयाँ, कुरीलो १ हजार ५० रुपैयाँ, चमसूरको साग २२६ रुपैयाँ ६७ पैसा तोकिएको छ । 

त्यस्तै, ब्रोकाउली प्रतिकेजी १९० रुपैयाँ, रातो बन्दा ९० रुपैयाँ, झोले स्याउ २५० रुपैयाँ, अनार ४७६ रुपैयाँ ६७ पैसा, जुनार ३२६ रुपैयाँ ६७ पैसा, हाइब्रीड काक्रो ४५ रुपैयाँ, नेपाली मेवा ५५ रुपैयाँ, मेवा (भारतीय) १२० रुपैयाँ, अम्बा १६६ रुपैयाँ ६७ पैसा, आभोकाडो २४० रुपैयाँ, हरियो खुर्सानी १८५ रुपैयाँ, अकबरे खुर्सानी २७० रुपैयाँ र रुख टमाटर १९० रुपैयाँ पुगेको छ । 

विस्तृत तालिकामा हेर्नुस्