काठमाडौँ / काठमाडौँमा आज भाइटिकाको दिन केही हरियो तरकारी र फलफूलको भाउ बढेको छ । कालीमाटी फलफूल तथा तरकारी बजार विकास समितिको मूल्यसूची अनुसार आज (आइतबार) रायोको साग प्रतिकेजी ५५ रुपैयाँबाट बढेर १५८ रुपैयाँ ७५ पैसा पुगेको छ ।

एक दिनमै बजारमा रायोको साग १०३ रुपैयाँ ७५ पैसा पुगेको हो । त्यस्तै, आज हरियो लसुन प्रतिकेजी १०० रुपैयाँले बढेको छ भने हरियो धनिया १८१ रुपैयाँ ६७ पैसा पुगेको छ ।  

आज बजारमा हरियो लसुन २२६ रुपैयाँ ६७ पैसाबाट बढेर ३२६ रुपैयाँ ६७ पैसा, हरियो प्याज ९५ रुपैयाँबाट बढेर १७६ रुपैयाँ ६७ पैसा, चमसूर र पालूगो साग १७६ रुपैयाँ ६७ पैसाबाट बढेर २२६ रुपैयाँ ६७ पैसा पुगेको छ । 

यसैगरी, तोरीको प्रतिकेजी १० रुपैयाँबाट बढेर ८५ रुपैयाँ पुगेको छ भने बरेला, लोकल बन्दा र डल्लो फर्सी ५५ रुपैयाँ पुगेको छ भने घिरौला, तितो करेला, डल्लो भन्टा प्रतिकेजी ६५ रुपैयाँ, लोकल परवर र भारतीय गोलभेडा ६५ रुपैयाँ, तराई बन्दा ४५ रुपैयाँ, स्थानीय काउली १३० रुपैयाँ, रातो मूला ८५ रुपैयाँ, सेतो मूला ३५ रुपैयाँ, रातो आलु ८६ रुपैयाँ ३३ पैसा, लोकल काक्रो १६६ रुपैयाँ ६७ पैसा, जिरीको साग १९० रुपैयाँ, निबुवा ४५ रुपैयाँ, आम्बा १६६ रुपैयाँ ६७ पैसा, हरियो खुर्सानी १३५ रुपैयाँ र बुलेट हरियो खुर्सानी १९० रुपैयाँ पुगेको छ । 

विस्तृत तालिकामा हेर्नुस्