काठमाडौँ /  महालक्ष्मी विकास बैंक नेपालमा हाल सञ्चालित विकास बैंकहरूमध्ये अग्रणी विकास बैंक हो । देशका ग्रामीण तथा सहरी क्षेत्रमा बैंकिङ सेवा प्रवाह गर्दै आइरहेको यो बैंकले आफ्ना ग्राहकहरूलाई अत्याधुनिक, सुरक्षित तथा सहज डिजिटल भुक्तानी गराउने नीति लिएको छ ।

सो नीतिअन्तर्गत बैंकले महालक्ष्मी युएसडि इकमर्स कार्ड, महालक्ष्मी क्यूआर मचेन्ट भुक्तानी, महालक्ष्मी स्मार्ट बैंकिङ, स्मार्ट टेलर, अनलाइन मुद्दती निक्षेपलगायतका विभिन्न सेवाहरू प्रवाह गर्दै आएको छ । 

डिजिटल दुनियाँमा अविराम यात्रा गरिरहेको यो बैङ्कले पछिल्लो आफ्नो सेवालाई प्रविधिमैत्री बनाउँदै चेकबिनै पैसा जम्मा गर्न सकिने सुविधासमेत ल्याएको छ । बैङ्कले चेकबिनै काउन्टरबाट पैसा निकाल्ने प्रविधि, कागजबिहीन भौचर प्रविधि, कार्ड बिना नै एटिएमबाट पैसा निकाल्ने प्रविधि जस्ता डिजिटल सेवासमेत सञ्चालनमा ल्याएको छ । 

त्यस्तै, बैंकले ग्राहकहरूको वैदेशिक यात्राको क्रममा कारोबार थप सुरक्षित, सहज र भरपर्दो होस भन्ने उद्देश्यले भिसा इएमपि चिप बेस्ड ट्राभल कार्ड, इकमर्स कार्ड र डलर कार्ड जारी गरिसकेको छ । यी कार्ड जारी गर्ने विकास बैङ्कहरूमध्ये महालक्ष्मी अग्रणी बैङ्क हो ।

अत्याधुनिक डिजिटल भुक्तानीका लागि ‘डिजिटल भुक्तानी केन्द्र’ 

महालक्ष्मी विकास बैंकले ग्राहकहरूलाई अत्याधुनिक डिजिटल भुक्तानी सेवा प्रवाह गर्ने उद्देश्यले डिजिटल भुक्तानी केन्द्र सञ्चालनमा ल्याएको छ । 

शाखा कार्यालय दरबारमार्गमा सञ्चालित यो केन्द्रअन्तर्गत बैंकको नीति बमोजिम डिजिटल भुक्तानी केन्द्रमार्फत विभिन्न अनलाइन भुक्तानी सम्बन्धी सेवाहरू प्रवाह गरिनेछ ।

सो अन्तर्गत सुरक्षित र आधिकारिक इलेक्ट्रोनिक भुक्तानी प्लेटफर्महरूको प्रयोग गरी बैंकले सहज, सरल र झन्झटरहित तरिकाले भिसा शुल्क तथा विदेशमा अध्ययन गर्न चाहाने विद्यार्थीहरूको आवेदन तथा अध्ययन शुल्क, पिटिई, स्याट, युएसएमएल।ई, जिआरई, एसीसीए जस्ता कोर्सहरूको शुल्क तथा सेभिज शुल्कको भुक्तानी गरिदिने जनाइएको छ ।

यसले ग्राहकहरूको नविनतम भुक्तानीका माध्यमहरूको प्रयोग गरी शुल्क भुक्तानी गर्ने चाहानाको सम्बोधन हुने बैंकको भनाइ छ । 
यसअघि पनि महालक्ष्मी विकास बैंक र नेपाल क्लियरिङ हाउस (एनसीएचएल) बीच नेपाल र भारत बिच अन्तरदेशीय कारोबार भुक्तानी सहजीकरणका लागि समझदारी पत्रमा हस्ताक्षर भएको थियो ।

डिजिटल भुक्तानीका माध्यमहरूको नविनतम् प्रयोगप्रति बैंक सधैँ प्रतिबद्ध रहेको र नेपालभर रहेको शाखा सञ्जाल तथा मर्चेन्ट नेटर्वकको माध्यमबाट अन्तरदेशीय क्युआर भुक्तानीमा समेत अग्रणी सेवा प्रदायकको रूपमा स्थापित हुने बैंकको  विश्वास बैंकले लिएको छ ।

बैंकले ग्राहकहरूलाई अत्याधुनिक, सुरक्षित तथा सहज डिजिटल बैंकिङ्ग सुविधा उपलब्ध गराउने बैंकको नीति बमोजिम मोबाइल एप्लिकेसनलाई परिष्कृत गर्दै ‘महालक्ष्मी स्मार्ट साथी’ सञ्चालनमा छ ।

बैंकले ग्राहकहरूलाई अत्याधुनिक, सुरक्षित तथा सहज डिजिटल बैंकिङ्ग सुविधा उपलब्ध गराउने बैंकको नीति बमोजिम डलर तथा एनपीआर कार्डहरूमार्फत हुने अनलाइन कारोबारलाई थप सुरक्षित बनाउन भिसा थ्रीडी सुविधासमेत थपेको छ । नेपालमा यस्तो सुविधा प्रदान गर्नेमा विकास बैंकहरूमध्ये महालक्ष्मी विकास बैंक पहिलो बैंक बनेको छ ।  

यस सुविधा थप गरेसँगै ग्राहकहरूले गर्ने अनलाइन कारोबारको सुरक्षा तहमा थप वृद्धि हुनेछ । यसले ग्राहकहरूको आफ्नो कार्डको विवरण अनाधिकृत रूपबाट प्रयोग हुनबाट जोगिनेछ भने प्रत्येक कारोबार समेत प्रमाणीकरण हुनेछ । 

यस प्रक्रियाअन्तर्गत ग्राहकहरूले डेबिट कार्ड तथा क्रेडिट कार्ड प्रयोग गरी अनलाईन कारोबार गर्दा प्रत्येक कारोबारलाई प्रमाणीकरण गर्नको निमित्त इमेल वा म्यासेज मार्फत एक पटक मात्र प्रयोग हुने पासवर्ड (ओटिपी) प्राप्त गर्नेछन् र सो पासवर्ड प्रविष्ट गरेपछि मात्र कारोबार सम्पन्न हुनेछ । 

‘सबल बैंक, सफल सहकार्य’को नारालाई आत्मसाथ गर्दै नेपाली जनताको घरदैलोमा विगत ३० वर्षदेखि अनवरत रूपले गुणस्तरीय वित्तीय सेवा प्रदान गर्दै आएको यस बैंकको देशभर १०३ शाखा कार्यालयहरू, ४९ ओटा एटिएम र करिब ८ लाख ग्राहकहरू रहेका छन् ।
नेपालमा बिकास बैंकहरूमध्ये सबैभन्दा पहिले र सबैभन्दा बढी ३.०७ अर्ब चुक्तापुँजी पुर्याउन सफल महालक्ष्मी बिकास बैंक महालक्ष्मी विकास बैंकले पुस २९ गते वार्षिक साधारण सभा गर्ने भएको छ । 

सभा एलिस रिसेप्सन सुवर्ण सम्शेर मार्ग गैह्रीधारा काठमाडौँमा बिहान १० बजे सुरु हुने जनाइएको छ । सभाले आर्थिक वर्ष २०८०÷८१ को नाफाबाट शेयरधनीहरूलाई ३ प्रतिशत बोनस शेयर र करसहित ४ प्रतिशत नगद लाभांश गरी जम्मा ७ प्रतिशत लाभांश वितरण गर्ने प्रस्ताव पारित गर्नेछ ।

यस्तै, सभामा आर्थिक वर्ष २०८०/८१ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०८१/८२ का लागि लेखापरीक्षक नियुक्त गरी पारिश्रमिक निर्धारण गर्ने लगायतका प्रस्ताव पारित गर्नेछ ।

बैंकले साधारण सभा प्रयोजनका लागि पुस १६ गते बुक क्लोज गर्ने भएको छ । यस बुक क्लोजको आधारमा पुस १४ गतेसम्म कायम रहेका शेयरधनीले मात्र सभामा भाग लिन र प्रस्तावित लाभांश पाउन सक्नेछन् ।