काठमाडौँ / कालीमाटी फलफूल तथा तरकारी बजार विकास समितिको मूल्यसूची अनुसार आज केही तरकारीको भाउ घटेको छ भने केहीको बढेको छ । जसअनुसार आज सानो गोलेभडा (तराई)को भाउ घटेर १८ रुपैयाँ कायम भएको छ भने रातो आलु ३२ रुपैयाँ, सुकेको प्याज ६७ रुपैयाँ ६७ पैसा, स्थानीय काउली (ज्यापु) २७ रुपैयाँ ६७ पैसा, घिउ सिमी १८ रुपैयाँ १८ पैसा, राजमा घिउ सिमी ८५ रुपैयाँ, लौका १६ रुपैयाँ २९ पैसा, हरियो प्याज २८ रुपैयाँ ५७ पैसा र माछे खुर्सानी ५५ रुपैयाँ तोकिएको छ । 

त्यस्तै, तराई गाजरको भाउ बढेर प्रतिकेजी २८ रुपैयाँ ६७ पैसा, पुगेको छ भने बन्दा ११ रुपैयाँ ६७ पैसा, तितो करेला १०० रुपैयाँ, तराई परवर १९० रुपैयाँ, हरियो फर्सी ११ रुपैयाँ ६७ पैसा, भिण्डी १०५ रुपैयाँ, पालूगो र चमसूर ५५ रुपैयाँ, मेथी, सौफ र हरियो छ्यापी ६५ रुपैयाँ, कन्य च्याउ ८० रुपैयाँ, डल्ले च्याउ ३०० रुपैयाँ, कुरीलो १४ सय रुपैयाँ, भुई कटहर १६५ रुपैयाँ, अकबरे खुर्सानी २२६ रुपैयाँ ६७ पैसा र भेडे खुर्सानी प्रतिकेजी ७५ रुपैयाँ तोकिएको छ । 

विस्तृत तालिकामा हेर्नुस्