काठमाडौँ / साताको तेस्रो कारोबार दिन सेयर बजार परिसूचक नेप्से उच्च अङ्कले घटेको छ । सोमबार दोहोरो अङ्कले बढेको बजारको रौनक एक दिन पनि टिक्न नसक्दा आज नेप्से ५८.०५ अङ्क अर्थात २.१९ प्रतिशतले घटेको हो । 

बजार खुलेदेखि लगातार घटेको सेयर बजार आज २५८२.७३ बिन्दुमा आएर थामिएको छ । यस दिन ५ अर्ब १८ करोड ७ लाख १८ हजार रुपैयाँ बराबरको सेयर कारोबार भएको छ । आज सेन्सेटिभ इन्डेक्स १.८३ प्रतिशत, फ्लोट इन्डेक्स २.१६ प्रतिशत र सेन्सेटिभ इन्डेक्स १.८७ प्रतिशतले घटेको छ । मङ्गलबार ३२५ धितोपत्रको १ करोड ११ लाख ५५ हजार ९५५ कित्ता सेयर ६२ हजार २१ पटकमा खरिद बिक्री भएको छ । आज सेयर बजारमा जम्मा ४ ओटा कम्पनीको मात्रै मूल्य बढेको देखिएको छ भने २४० वटा कम्पनीको घटेको छ । 

सबै सेक्टरमा पहिरो 

मङ्गलबार सेयर बजारका सबै सेक्टर उच्च अङ्कले घटेको छ । जसमा सर्वाधिक बढी वित्त समूह ३.५० प्रतिशत र हाइड्रोपावर ३.३१ प्रतिशतले घटेको छ । यसैगरी, बैंकिङ उपसूह १.४२ प्रतिशत, विकास बैंक २.९९ प्रतिशत, होटल तथा पर्यटन २.७२ प्रतिशत, लगानी २.०८ प्रतिशत, जीवन बिमा २.२० प्रतिशत, उत्पादन तथा प्रशोधन १.५० प्रतिशत लघुवित्त २.४९ प्रतिशत, म्युचुअल फण्ड ०.५१ प्रतिशत, निर्जीबन बिमा २.४६ प्रतिशत, अन्य १.८२ प्रतिशत र व्यापार समूह १.८५ प्रतिशतले घटेको छ । 

मङ्गलबार ९.५ प्रतिशत एनसिसि डिवेन्चर २०८६ को मूल्य ४.५२ प्रतिशत र ११ प्रतिशत केबिएल डिवेन्चर २०८९ को मूल्य ४.२२ प्रतिशतले घटेको छ । 

यता, नारायणी डेभलपमेन्ट बैंकको सेयर मूल्य सर्वाधिक बढी ८.७३ प्रतिशतले घटेको छ भने सर्पोट माइक्रो फाइनान्स ७.३७ प्रतिशत र इस्र्टन हाइड्रोपावर ७.१९ प्रतिशतले घटेको छ । यसैगरी, सिन्धु विकास बैंकको सेयर मूल्य ६.७५ प्रतिशत र वीन नेपाल लघुवित्त वित्तीय संस्थाको सेयर मूल्य ६.७३ प्रतिशतले घटेको छ । 

मङ्गलबार हिमालयन रिइन्स्योरेन्सको सेयर सर्वाधिक बढी २३ करोड २० लाख रुपैयाँ बराबरको कारोबार भएको छ । यसैगरी, नेपाल रिइन्स्योरेन्सको २१ करोड ३९ लाख रुपैयाँ बराबरको सेयर कारोबार भएको छ ।