काठमाडौँ/  ग्लोबल म्याथ डिबेट लिगको पछिल्लो संस्करणले नेपालका युवा गणित बहसकर्ताहरूको उत्कृष्ट उपलब्धिको उत्सव मनाएको छ ।

उक्त लिगमा युरो स्कूल भैरहवाका विद्यार्थीहरूले अल्फा श्रेणीमा शीर्ष सम्मान प्राप्त गरे, जसको प्रतिनिधित्व आध्या पाण्डे, हर्षित पाण्डे र गायत्री आसवानीले गरेका थिए । 

युरो स्कुल हात्तीगौँडाले न्यासा लुनिया, कपिश अग्रवाल र अर्ना अग्रवालको प्रतिभा प्रदर्शन गरेको थियो । जिनियस आईबी वल्र्ड स्कुलको विजेता टोलीमा एल्भिरा महर्जन, निया पालुङ्गुआ र नित्या राउत थिए । विजेताहरू आराध्यान पाण्डे, आर्यन दास र लिजा पराजुलीको साथले युरो स्कूल छाउनीले आफ्नो विशिष्ट स्थान प्राप्त ग¥यो । 

त्यसैगरी सफल ओङ्गेल गुरुङ, शिवांगी राणा र रोनक सञ्चेतीको साथमा प्रतिनिधित्व गरेको संस्कृति इन्टरनेशनल स्कूल पनि विशिष्ट श्रेणीमा विजयी भयो ।

ग्लोबल म्याथ डिबेट लीग, कक्षा ५ देखि कक्षा ८ सम्मका विद्यार्थीहरूलाई व्यवस्थित गणितीय बहसहरूमा संलग्न गराउन डिजाइन गरिएको एउटा नवीन अन्तर्राष्ट्रिय प्रतिस्पर्धा हो । परम्परागत गणित प्रतियोगिताहरू भन्दा फरक, जसले गणना र सूत्रहरूमा जोड दिन्छ, ले आलोचनात्मक सोच, तार्किक तर्क र गणितीय अवधारणाहरूको वास्तविक–विश्व प्रयोगलाई बढावा दिन्छ ।

ग्लोबल म्याथ स्टोरी टेलर दिवेश बथिजाले भने, “गणित भनेको संख्या मात्र होइन; यो तर्क र समस्या समाधानको विषय पनि हो । ग्लोबल म्याथ डिबेट लिगले विद्यार्थीहरुलाई पाठ्यपुस्तक भन्दा बाहिर गणित हेर्न सहयोग गर्छ । 

यो कार्यक्रमले युवा सिकारुहरूलाई आफ्ना विचारहरू व्यक्त गर्ने, गणितीय प्रमाणहरूद्वारा विपरित तर्कहरूको सामना गर्ने र दबाबमा विश्लेषणात्मक रूपमा सोच्ने अवसर प्रदान गर्दछ । यो प्रतियोगिताले आत्मविश्वास, सहकार्य र सञ्चार सीपलाई बढावा दिन्छ, जसले गर्दा गणित एक रोमाञ्चक र बौद्धिक रूपमा उत्तेजक अनुभव बन्छ ।”

 
प्रतियोगिताको बिटा विधामा पनि नेपालका तीक्ष्ण दिमाग भएका युवाहरुले असाधारण प्रदर्शन देखाए । आर्य शर्मा लौडारी, अदिती जोशी र साम्रागी स्नेही प्रधान अंकुराम एकेडेमीको विजेता टोलीमा थिए भने कुमुदिनी होम्स माविको प्रतिनिधित्व साने गुरुङ, आभाना सिंह विश्वकर्मा र प्रतिष्ठा केसीले गरेका थिए ।

त्यस्तै इम्पेरियल वल्र्ड स्कुलले टोलीका सदस्य अमारा श्रेष्ठ, निम्सा थापा र अदरित थपलियासँग विजयी उत्सव पनि मनायो । काष्ठमण्डप विद्यालयको विजयीहरुमा अर्थक दुवाडी, प्रबोधराज चालिसे र सौभागी भण्डारी थिए ।

त्यसैगरी पाठशाला नेपाल फाउण्डेसनका उत्कृष्ट विद्यार्थीहरू श्रेनिशा बोगटी, सदीक्षा अधिकारी र हर्षित खेतानले पनि असाधारण बहस कौशल प्रदर्शन गरे ।