काठमाडौँ / शहरी विकास मन्त्रालयले चालु आर्थिक बर्षमा १७.९३ प्रतिशत मात्रै बजेट खर्च गरेको छ । मन्त्रालयले मङ्गलबार सार्वजनिक गरेको वित्तीय प्रगति विवरणअनुसार चालु आवमा मन्त्रालयले बजेटको १२ अर्ब २४ करोड ३ लाख ८७ हजार रुपैयाँ अर्थात् १७.९३ प्रतिशत मात्रै खर्च गर्न सकेको हो ।
पत्रकार सम्मेलनमा मन्त्रालयका सहसचिव एवम् प्रवक्ता नारायण मैनालीले दिएको जानकारी अनुसार चालू आर्थिक वर्ष २०८१÷८२ मा सहरी विकास मन्त्रालयको कुल बजेट ९१ अर्ब ३५ करोड २३ लाख रुपैयाँ छ ।
संघीयतर्फ ६८ अर्ब २५ करोड ८३ लाख ३९ हजार रुपैयाँ विनियोजन गरिएको थियो । जसमध्ये चालुतर्फ ४ अर्ब ४२ करोड ३८ लाख २३ हजार र पूँजीगततर्फ ६३ अर्ब ८३ करोड ४५ लाख १६ हजार विनियोजित छ । हालसम्म चालुतर्फको खर्च २५.२३ प्रतिशत रहेको छ भने पूँजीगततर्फको खर्च १७.४३ प्रतिशत रहेको छ ।
यस्तो छ वित्तीय प्रगति विवरण
चालू आर्थिक वर्ष २०८१/८२ मा सहरी विकास मन्त्रालय (संघीय कार्यालय) बाट कार्यान्वयन हुने पूँजीगत कार्यक्रमहरूको प्रगति
चालू आ.व.को जम्मा ३ हजार ७ सय १६ वटा नयाँ कार्यक्रमहरूमध्ये जम्मा १ हजार ६ सय २३ वटा कार्यक्रमहरूको बोलपत्र आव्हान भईसकेको छ ।
त्यसैगरी बोलपत्र आव्हान भएका १ हजार ६ सय २२ वटा कार्यक्रमहरूमध्ये पनि १ हजार ९८ वटा कार्यक्रमहरूको ठेक्का सम्झौता भई १२४ वटा कार्यक्रमहरूको निर्माण कार्य सम्पन्न भईसकेको छ ।
बोलपत्र आव्हान हुन नसकेका बाँकी २ हजार ९३ वटा कार्यक्रमहरूमध्ये २ सय ८८ वटा कार्यक्रमहरू बहुबर्षीय स्वीकृतिको लागि प्रस्तावित कार्यक्रमहरू हुन् भने ८० वटा कार्यक्रमहरू संशोधनको लागि प्रस्तावित कार्यक्रमहरू हुन् ।
संशोधनको लागि प्रस्तावित ८० वटा कार्यक्रमहरू मध्ये ४४ वटा संशोधन भई आइसकेको छ भने बाँकी संशोधन हुने प्रक्रियमा छन् । त्यसैगरी १ हजार ४ सय ५९ वटा पुराना-क्रमागत तथा बहुवर्षीय स्वीकृत कार्यक्रमहरू मध्ये चालू आर्थिक वर्षमा जम्मा २ सय ८० वटा कार्यक्रमहरू सम्पन्न भईसकेका छन् ।
हालसम्मको योजना कार्यान्वयनको अवस्था
सभाहल/सिटिहलको निर्माण कार्य अन्तर्गत सुनसरीको लौकही सभाहल र बाँकेको नेपालगंज सिटिहलको निर्माण कार्य सम्पन्न गर्ने लक्ष्य रहेकोमा लौकही सभाहलको निर्माण कार्य अन्तिम चरणमा रहेको र नेपालगञ्ज सिटिहलको ठेक्का अनुसारको निर्माण कार्य सम्पन्न भई विल फरफारकको अन्तिम चरणमा रहेको छ ।
त्यसैगरी भैसेपाटी स्थित मन्त्री निवासको दोस्रो चरणको निर्माण कार्य र चण्डीदल गणका लागि भवन निर्माण कार्य सम्पन्न गर्ने लक्ष्य रहेकोमा हालसम्म भैसेपाटी स्थित मन्त्री निवासको दोश्रो चरणको निर्माण कार्य ८० प्रतिशत सम्पन्न भई बाँकी निर्माण कार्य भईरहेको छ भने चण्डीदत्त गणका लागि भवन निर्माण कार्य सम्पन्न भई हस्तान्तरणको प्रक्रियामा रहेको र प्रयोगमा आईसको छ ।
यस आ.व.मा सघन शहरी तथा भवन निर्माण आयोजना ओखलढुङ्गाको कार्यालय भवन, नेपाल सिटी हल निर्माण, दमक व्यापारीक कम्प्लेक्स, नेपाल राष्ट्र बैंक, बैंकिङ कार्यालय, थापाली, भक्तपुर जिल्ला चागुनारायण नगरपालिका स्थिती ऐतिहासिक शंखदह पुर्जनिर्माण कार्य जावलाखेलस्थित नेपाल प्रशासनिक प्रशिक्षण प्रतिष्ठानको कार्यको पुल्चोक स्थित साँझा प्रकाशनको एनएक्स ब्लक र धनगढी सभाहल निर्माण कार्य सम्पन्न भइ सञ्चालनमा आएको ।
पालिकास्थित ऐतिहासिक शंखद पुननिर्माण कार्य जावलाखेलस्थित नेपाल प्रशासनिक प्रशिक्षण प्रतिष्ठानको Interior कार्यको पुल्चोक स्थित साँझा प्रकाशनको Annex Block कर धनगढी सभाहल निर्माण कार्य सम्पन्न भई संचालनमा आएको ।
यस आ.व. मा १०० कि.मि ग्रामीण कालोपत्रे सडक निर्माण हुने लक्ष्य रहेकोमा हालसम्म झापा रोल्पा र पर्वत गरी ३ जिल्लाहरुमा जम्मा ८.६ कि.मी. निर्माण भएको छ ।
त्यसैगरी जम्मा ३० वटा स्थानीय सडक पुल निर्माण गर्ने लक्ष्य रहेकोमा १. गेरुका नदी पुल, सर्लाही, २. माडर पुल निर्माण, सिरहा न.पा., ३. तपोवन चौलानी नदी मोटरेवल पुल दार्चुला, ४. लिखु खोलापुल, सोलुखुम्बु ५. सुखचैना बुधौराको पूर्व पुल सिरहा गरी ५ वटा सडकपुल निर्माण सम्पन्न भईसकेको छ । त्यसैगरी ३३० वटा झोलुंगे पुल निर्माण गर्ने लक्ष्य रहेकोमा हालसम्म १६२ वटा झोलुंगे पुल निर्माण सम्पन्न भएको छ ।
नीय तहबाट हुने सार्वजनिक सेवा प्रवाह सहज रूपमा दिने उद्देश्यका साथ यस मन्त्रालयले ६८ वटा स्थानीय तहको प्रशासकीय भवन निर्माण गर्ने लक्ष्य रहेकोमा हालसम्म ३६ वटा स्थानीय तहहरुको प्रशासकीय भवनको निर्माण कार्य सम्पन्न गरी सार्वजनिक सेवा सुचारु भएको छ ।
१२९ वटा पालिकाका प्रशासकीय भवन निर्माणाधीन अवस्थामा रहेका छन् । त्यसैगरी गणेशमान स्मृति समावेशी भवन निर्माण कार्य पनि अन्तिम चरणमा रहेको छ ।
साथै यस आ.व. मा १७२३ हे. सिञ्चित क्षेत्रफल वृद्धि गर्ने उद्देश्य रहेकोमा साना सिंचाइ कार्यक्रम कार्यान्वयन अन्तर्गत ६७८ हे. क्षेत्रमा सिंचाई सुविधा पुगेको छ ।
अन्य भौतिक प्रगतिहरू
मिति २०८१/०८/२८ मा मन्त्रिपरिषद्बाट राष्ट्रिय शहरी नीति स्वीकृत भएको छ । स्थानीय पूर्वाधार विकास विभागबाट त्रिवेणी सुस्ता बहुत्तरी झोलुङ्गेपुल निर्माण कार्य सम्पन्न भई राष्ट्रपतिबाट समुद्घाटन भई संचालनमा आइसकेको छ ।
शहरी विकास तथा भवन निर्माण विभागबाट झापा स्थित दमक व्यापारिक कम्पलेक्सको निर्माण सम्पन्न भई प्रधानमन्त्रीबाट समुदघाटन भएको छ ।
काठमाडौँ उपत्यका विकास प्राधिकरणबाट सार्वजनिक जग्गा संरक्षण अन्तर्गत कीर्तिपुरमा चम्पादेवी पार्क र भैसेपाटी प्लाजा (पहिलो चरण) गरी दुई वटा पार्क निर्माण सम्पन्न भएको छ ।
बागमती सुधार आयोजना अन्तर्गत यस आ.व.मा २०० मीटर नदी तटबन्ध, ३५० मिटर सडक कालोपत्रे र १५० मीटर मुख्य ढल निर्माण भएको छ ।
संघीय सचिवालय निर्माण तथा व्यवस्थापन कार्यालयबाट कीर्तिपुर क्रिकेट मैदानमा अन्तराष्ट्रिय मापदण्ड अनुरूप प्यारापेट निर्माण कार्य र फ्लडलाईट जडान कार्यको २०८१ फागुनमा सम्झौता सम्पन्न भई २०८२ वैशाख २४ गतेभित्र कार्य सम्पन्न गर्ने गरी निर्माण कार्य अघि बढिरहेको छ ।
नगर विकास कोषबाट शहरी खानीपानी सरसफाई आयोजना अन्तर्गत ११ वटा आयोजना निर्माण सम्पन्न भएको र १६ वटा आयोजना स्तरोन्नति गरिएको छ ।
शहरी उत्थान तथा जिविकोपार्जन सुधार आयोजना अन्तर्गत नगरपालिकाहरुको समावेशी आर्थिक वृद्धि र जीवनयापनमा सुधार ल्याउने गरी एसीयाली विकास बैंक सँग सम्झौता भई पोखरा, जनकपुर, देवदह, सेनामैना, लुम्बिनी सांस्कृतिक, सिद्धार्थनगर र तिलोत्तमा नगरपालिकामा कार्यक्रम अघि बढेको छ ।
२०८१/६/३ गतेदेखि संविधान दिवसको दिनबाट धरहरा सञ्चालनमा ल्याई परीक्षणको लागि धरहरा, वेसमेन्ट पार्किङ्ग र बगैचा सर्वसाधारणको लागि खुल्ला गरिएको । हालसम्म १ लाख ३० हजार भन्दा बढीले भ्रमण गरेको र २ करोड ३७ लाख भन्दा बढी राजस्व सङ्कलन भएको छ ।
