काठमाडौँ / नबिल बैंकका प्रमुख कार्यकारी अधिकृत (सिइओ) ज्ञानेन्द्र ढुङ्गानाले पदबाट राजीनामा दिएका छन् । सोमबार बसेको मन्त्रिपरिषद् बैठकले नेपाल राष्ट्र बैंकको गभर्नर नियुक्तिका लागि सिफारिस समिति बनाएपछि ढुङ्गानाले आइतबारकै मिति राखेर पदबाट राजीनामा दिएका हुन् । 

सरकारले अर्थमन्त्री विष्णु पौडेलको संयोजकत्वमा डा. विश्व पौडेल र विजयनाथ भट्टराई सदस्य रहने गरी समिति बनाएको छ । समितिले प्रतिस्पर्धामा रहेको मध्येबाट तीन जनाको नाम सिफारिस गनेछ भने जसमध्येबाट एक जना पाँच बर्षका लागि गभर्नर बन्नेछन् । 

ढुङ्गाना एनबी बैंक नबिलमा भर्ज भएपछि पहिलो कार्यकालका लागि सिइओमा नियुक्त भएका थिए । त्यसपछि उनी पुनः अर्को कार्यकालका लागि दोहारिएका थिए । चार्टर्ड एकाउन्टेन्ट ढुङ्गानासँग तीन दशक बढीको बैंकिङ क्षेत्रको अनुभव छ । 

२०५२ सालमा बैंक अफ काठमाण्डूबाट बैंकिङ क्षेत्रमा प्रवेश गरेका उनी वि.सं. २०५९ मा नेपाल राष्ट्र बैंक प्रवेश गरे र राष्ट्र बैंकमा रहदा निर्देशसम्म भएका उनी सन् २०१८ देखि २०२० सम्म सीईओ ढुङ्गाना वाणिज्य बैङ्कहरूको छाता संगठन नेपाल बैंकर्स संघको अध्यक्ष समेत बनेका थिए ।