काठमाडौँ / बुधबार नेप्से परिसूचक ३९.१३ अङ्कले बढेर २६२१.८६ बिन्दुमा पुगेको छ । मङ्गलबार उच्च अङ्कले घटेको बजार आज भने १.५१ प्रतिशतले बढेको हो । नेप्से बढे पनि आज कारोबार रकम भने घटेको छ । यसअघि ५ अर्ब रुपैयाँ बराबरको कारोबार भएको बजारमा आज भने ४ अर्ब २० करोड ४४ लाख रुपैयाँमा सेयर खरिद बिक्री भयो । 

३१७ धितोपत्रको ९१ हजार ४२ लाख ९४१ कित्ता सेयर ४८ हजार ७८५ पटकमा किनबेच भएको छ । आज २३१ कम्पनीको सेयर मूल्य बढ्दा १२ वटाको घटेको छ । बुधबार अधिकांश सेक्टरको सेयर मूल्य बढेको छ, जसमा सबैभन्दा बढी जीवन बिमा समूहको २.०६ प्रतिशत र अन्य समूहको २.०९ प्रतिशतले बढेको छ ।

यसैगरी बैंकिङ उपसमूहको १.१५ प्रतिशत, विकास बैंकको १ं१९ प्रतिशत, वित्त समूहको १.७५ प्रतिशत, होटल तथा पर्यटन समूहको १.७८ प्रतिशत, हाइड्रोपावर समूहको १.७० प्रतिशत र लगानी समूहको १.६७ प्रतिशतले परिसूचक बृद्धि भएको छ । 

यसैगरी, उत्पादन तथा प्रशोधन समूहको ०.९८ प्रतिशत, लघुवित्त १.३० प्रतिशत, म्युचुअल फण्ड ०.९७ प्रतिशत, निर्जीबन बिमा १.७५ प्रतिशत र व्यापार समूह १ प्रतिशतले बढेको छ । बुधबार माउन्टेन हाइड्रो नेपाल लिमिटेडको सेयर मूल्य सर्वाधिक बढी ५.८५ प्रतिशतले बढेको छ भने स्वेत–गंगा हाइड्रोपावर एण्ड कन्सट्रक्सनको ५.३५ प्रतिशत र मनकामना इनर्जिङ हाइड्रोपावरको सेयर मूल्य ५.१९ प्रतिशतले बृद्धि भएको छ । 

यस दिन उपकार लघुवित्त वित्तीय संस्थाको सेयर मूल्य सर्वाधिक बढी ७.०९ प्रतिशतले घटेको छ भने नारायणी डेभलपमेन्ट बैंकको सेयर मूल्य ५.०४ प्रतिशतले घटेको छ । 
बुधबार हिमालयन रिइन्स्योरेन्सको सेयर कारोबार रकम सर्वाधिक बढी ४१ करोड ८६ लाख ७८ हजार रुपैयाँ रहेको छ । त्यस्तै, नेपाल पुनर्बिमा कम्पनीको ३१ करोड ६३ लाख २६ हजार रुपैयाँ र गार्डिन माइक्रो लाइफ इन्स्योरेन्सको २२ करोड ९८ लाख ७९ हजार रुपैयाँ बराबरको सेयर कारोबार भएको छ ।