.gif)
काठमाडौँ / नेपाल राष्ट्र बैंकले २५ अर्ब रुपैयाँ निक्षेप संकलन गर्ने भएको छ ।
बजारमा रहेको अधिक तरलतालाई कम गर्न केन्द्रय बैंकले निक्षेप संकलन बोलकबोलमार्फत २५ अर्ब रुपैयाँ तान्ने भएको हो ।
बोलकबोल माध्यमबाट ब्याजदर निर्धारण गरिने सो रकम राष्ट्र बैंकले २१ दिन अवधिको संकलन गर्न लागेको जनाएको छ ।
यसका लागि आज ३ बजेसम्म अनलाइन बिडिङ सिस्टम सफ्वेयरमार्फत निक्षेप संकलनको बोलकबोल हुने राष्ट्र बैंकद्वारा जारी सूचनामा उल्लेख छ ।
राष्ट्र बैंक बाहेक अन्य बैंक तथा वित्तीय संस्थामा धितोको रुपमा प्रयोग गर्न सकिने उक्त निक्षेप संकलनको आजै निष्कासन हुनेछ ।
इच्छुक बैंक तथा वित्तीय संस्थाहरुले घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आव्हान रकमसम्मका लागि आवेदन दिन सक्नेछन् । निक्षेप संकलनको साँवा ब्याज आगामी बैशाख ७ गते परिपक्व हुनेछ ।
निक्षेप संकलन उपकरणका बालकबालमा नेपाल राष्ट्र बैंकबाट इजाजतपत्र प्राप्त बैंक तथा वित्तीय संस्था सहभागी हुन पाउनेछन् ।
निक्षेप संकलनका लागि आव्हान गरिएका रकम बाँडफाँड गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आव्हान गरेका रकमसम्म क्रमशः बाडफाँड गरिने राष्ट्र बैंकले जनाएको छ ।
