आज विक्रम संवत २०८१ साल चैत्र १८ गते, सोमबार तदनुसार ईश्वी सन् २०२५ मार्च ३१ तारिख । नेपाल संवत् ११४५ । कालयुक्तनाम संवत्सर । उत्तरायणं । वसन्त ऋतु । श्रीशाके १९४६ । चैत्र शुक्लपक्ष । द्वितीया तिथी, दिउँसो १२ बजेर १९ मिनेट उप्रान्त तृतीया । अश्विनी नक्षत्र, बेलुकी ५ बजेर ४ मिनेट उप्रान्त भरुणी । चन्द्रराशि–मेष । आनन्दादिमा–राक्षस योग । 

मेष (चु, चे, चो, ला, लि, लु, ले, लो, अ)
प्रतिष्ठित कार्य गर्ने अवसर मिल्नेछ। रोकिएका काम बन्नाले उत्साह जाग्नेछ। व्यापार व्यवसायबाट फाइदा हुँदा मनग्य आर्थिक लाभ लिन सकिनेछ । प्रयत्न गरेको काम सम्पादन हुनेछ। आकर्षक र विलासी वस्तुको प्रयोग गरेर अरुलाई आकर्षित गर्न सकिनेछ । गरेका कामबाट तत्काल धेरै फाइदा नभए पनि भविष्यका लागि जग बसाउने मौका छ । नयाँ कामको अवसर मिल्नेछ । 

वृष (इ, उ, ए, ओ, बा, बि, बु, बे, बो)
योजनाबद्ध तरिकाले गरेको काममा सफलता मिल्नेछ । मिल्नेछ। खर्च बढ्ने तथा काम समयमा सम्पादन नहुन सक्छ । व्यापार व्यवसायमा लगानी बढाउनुपर्ला । मालसामान हराउने सम्भावाना छ, सचेत हुनुहोला । प्रलोभन देखाउनेहरूले झुक्याउन सक्छन्। आफ्नो कामको प्रतिफल अरुले लिन खोज्नेछन् । फजुल खर्च बढ्नेछ । गरिआएको काम तथा व्यवसायलाई निरन्तरता दिन सकिनेछ । 

मिथुन (का, कि, कु, घ, ङ, छ, के, को, ह)
पहिलेको आम्दानी प्राप्त हुनाले उत्साह जाग्नेछ। भौतिक साधन जुट्नाले नयाँ काम थालनी हुनेछ। दिगो फाइदा हुने क्षेत्रमा लगानी गर्न सकिनेछ । श्रमको उचित मूल्याङ्कन हुनेछ। व्यापार व्यवसायमा राम्रै फड्को मार्ने सकिनेछ । रोकिएको काम बन्नेछ भने दिगो फाइदा हुने काम गर्न सकिनेछ।आम्दानीका नयाँ स्रोत फेला पर्नेछन्। नोकरी वा पेशामा विशेष उपलब्धि प्राप्त हुनेछ ।

कर्कट (हि, हु, हे, हो, डा, डि, डु, डे, डो)
कृषि तथा पशुपालन व्यवसाय फस्टाएर जानेछ । कार्यक्षेत्रमा चलिरहेको कार्यमा सानोतिनो बाधा उत्पन्न हुनेछ। व्यापार व्यवसायमा मनग्य लाभ रहनेछ। मिहिनेतले नाम, दाम र इनाम दिलाउनेछ। प्रयत्न गर्दा सजिलै लक्ष्यमा पुग्न सकिनेछ। अवसर प्रापत हुनेछ ।कीर्तिमानी काम सम्पादन हुनेछ । नोकरी तथा व्यवसायमा फाइदा हुनेछ। भौतिक साधनहरू जोड्न सकिनेछ । 

सिंह (मा, मि, मु, मे, मो, टा, टि, टु, टे)
कार्यक्षेत्रमा विशिष्ट व्यक्तिहरूबाट प्रशंसा पाइनेछ। नाफामुलक व्यवसाय भन्दा सेवामूलक व्यवसाय फस्टाएर जानेछ । लामो दुरीको यात्राको सम्भावना छ । यद्यपि, आज सोचेको उपलब्धि भने तत्काल नपाइएला। मिहिनेत परे पनि काम रोकिन सक्छ। सम्भावना खोजी गर्ने समय छ। आजको मिहिनेतले भविष्यमा नाम र प्रतिष्ठा दिलाउन सक्छ। 

कन्या (टो, प, पि, पु, ष, ण, ठ, पे, पो)
सवारी साधन तथा भौतिक सम्पत्तिको प्रयोग गर्दा ध्यान दिनुहोला । गोप्य सूचना बाहिरिन सक्छ ध्यान दिनुहोला । आफ्नै कमजोरीले काम दोहोर्याउनुपर्ने हुन सक्छ। धेरै धन र परिश्रम खर्चनुपर्ला। यद्यपि, आज नसोचेको धन प्राप्तिको योग रहेको छ । रोजगारीबाट लाभ मिल्ने भए पनि सवारी साधनमा धन खर्च हुनेछ । आम्दानीभन्दा खर्च बढ्नेछ । व्यापार व्यवसायमा सोचविचार गरेर निर्णय लिनुहोला। 

तुला (र, रि, रु, रे, रो, ता, ति, तु, ते)
साझेदारी व्यवसायबाट मनग्गे धन लाभ हुने योग छ । छोटो समयमा फाइदा उठाउन सकिनेछ। सुन्दर पहिरनले अरुलाई आकर्षित गर्न सकिनेछट । आज मन परेको व्यक्तिबाट विशेष उपहार प्राप्त हुन सक्छ। भौतिक साधन जुट्नेछ । मनग्य आम्दानी बढाउने काम सम्पादन गर्न सकिनेछ। कार्यक्षेत्रमा रोकिएको कार्य प्रारम्भ हुनेछ। साझेदारी व्यापारबाट लाभ आर्जन गर्न सकिनेछ। 

वृश्चिक (तो, ना, नि, नु, ने, नो, या, यि, यु)
काम गर्न रकम तथा आर्थिक स्रोतहरु जुट्ने हुनाले व्यापार व्यवसायमा प्रशस्त आम्दानी हुनेछ ।रोकिएका काम बन्नाले उत्साह जाग्नेछ। आर्थिक लाभ हुने काम पनि सम्पादन हुनेछ। प्रतिकूल परिस्थितिका बाबजुद लक्ष्य प्राप्त हुनेछ। लक्ष्य प्राप्तिको लागि संघर्ष गर्नुपर्ला यद्यपि, मिहिनेतले प्रतिस्पर्धामा विजयी भइनेछ । भौतिक साधन जुट्नाले दिगो फाइदा हुने काम सुरु हुनेछ। 

धनु (ये, यो, भ, भि, भु, ध, फा, ढ, भें)
खर्च बढ्नेछ। प्रलोभन देखाउनेहरूले फसाउन सक्छन्। मेहनत गर्दा गर्दै पनि उपलब्धि प्राप्त गर्न चुनौति झेल्नुपर्ला । चिताएको काम ढिलोगरी बन्नेछ । अवसरले पछ्याए पनि फाइदा उठाउन चुनौतीसँग जुध्नुपर्नेछ। लगनशीलताले मात्र काम सम्पादन गर्न सकिनेछ । व्यापार व्यवसायमा नयाँ योजनाहरू योजना कार्यान्वयन गर्न केही समय पर्खनुहोस् । 

मकर (भो, ज, जि, खि, खु, खे, खो, गा, गि)
व्यापार व्यवसायमा भनेजस्तो आम्दानी हुने छैन । नयाँ सम्पर्कबाट लाभ लिन सकिनेछ । कृषि, पशुपालन तथा सहकारी व्यवसायमा भने मनग्गे आम्दानी हुनेछ । पुरानो सम्झौता नवीकरण नगर्दा आफ्नो लाभांश गुम्न सक्छ। परिस्थितिअनुसार निर्णय लिन नसक्दा अवसर गुम्न सक्छ । अग्रहजहरूको सुझाव मनन् गर्दा लाभ मिल्नेछ । मेहनत गर्दा आयस्रोत सबल रहनेछ।

कुम्भ (गु, गे, गो, सा, सि, सु, से, सो, द)
नयाँ काम गरी मनग्गे धन आर्जन गर्न सकिनेछ । विशेषगरी नयाँ उद्योग वा रचनात्मक काममा जुट्ने समय छ। परिश्रमअनुसार उपलब्धि पनि राम्रै पाइएला। रोकिएका काम पुनः सुरु हुन सक्छन्। मानसम्मानमा वृद्धि हुनेछ। दिगो कामको जग बसाउने समय रहेको छ। विभिन्न उपहार प्राप्त हुने समय छ। आज गरिएको  कर्मको उचित प्रतिफल पाइनेछ। 

मीन (दि, दु, थ, झ, ञ, दे, दो, च, चि)
आर्थिक पक्ष सबल रहनेछ। सरकारी वा वित्तीय क्षेत्रबाट लाभ मिल्नेछ। राज्य पक्षबाट सहयोग मिल्नेछ। रोकिएको काम प्रारम्भ हुनेछ। समयअनुसार काम नबन्दा भने निराश भइनेछ । मेहनतले सम्मानित स्थान दिलाउनेछ। सम्पादित कामबाट मनग्य लाभ हुनेछ। आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ। अहिलेको लगानीले पछिलाई फाइदा दिलाउनेछ।