काठमाडौँ / कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार च्याउ, चुकुन्दर, स्याउलगायतका तरकारी र फलफूलको मूल्य बढेको छ । 

आज फूजी स्याउको भाउ प्रतिकेजी ३१० रुपैयाँबाट बढेर ३२३ रुपैयाँ ३३ पैसा पुगेको छ । यसैगरी, कन्य च्याउ प्रतिकेजी १७६ रुपैयाँ ६७ पैसा रहेकोमा आज बढेर १८६ रुपैयाँ ६७ पैसा र चुकुन्दर प्रतिकेजी १० रुपैयाँले बढेर ६५ रुपैयाँ कायम गरिएको छ । 

त्यस्तै, सिमी प्रतिकेजी १० रुपैयाँले बढेर ८५ रुपैयाँ, टाटे सिमी ६५ रुपैयाँ, स्कूस २५ रुपैयाँ, हरियो प्याज प्रतिकेजी ५० रुपैयाँले बढेर २२६ रुपैयाँ ६७ पैसा पुगेको छ । 

यसैगरी शरीफा प्रतिकेजी १२६ रुपैयाँ ६७ पैसा र हरियो लसुन २९० रुपैयाँ कायम गरिएको छ । 

विस्तृत तालिकामा हेर्नुस्