काठमाडौँ / चालु आर्थिक बर्षको तीन महिनामा नेपालबाट हुने आयात–निर्यात दुवै घटेको छ ।
भन्सार विभागले सार्वजनिक गरेको चालु आर्थिक बर्ष २०८१/८२ को वैदेशिक व्यापार तथ्याङ्क अनुसार गत आर्थिक बर्षको सोही अवधीको तुलनामा नेपालबाट हुने निर्यात ६.११ प्रतिशत र नेपालमा हुने आयात ४.१७ प्रतिशतले घटेको हो ।
विभागले सार्वजनिक गरेको तथ्याङ्क अनुसार साउनदेखि असोज मसान्तसम्मको अवधीमा नेपालमा ४ खर्ब ७ अर्ब ७५ करोड ८९ लाख ७५ हजार रुपैयाँ बराबरको वस्तु तथा सामान आयात भएको छ । गत आर्थिक बर्षको सोही अवधीमा ३ खर्ब ९० अर्ब ७५ करोड २३ लाख २१ हजार रुपैयाँ बराबरको वस्तु तथा सामान आयात भएको थियो ।
यस्तै, तीन महिनाको अवधीमा नेपालले ४० अर्ब ८७ करोड ४८ लाख ९१ हजार रुपैयाँ बराबरको वस्तु तथा सामान निर्यात गरेको छ । गत आर्थिक बर्षको सोही अवधीमा नेपालबाट ३८ अर्ब ३७ करोड ८७ लाख १७ हजार रुपैयाँ बराबरको वस्तु तथा सामान विभिन्न मुलुकमा निर्यात गरेको थियो ।
यस अवधीमा नेपालले ४ खर्ब ४८ अर्ब ६३ करोड ३८ लाख ६६ हजार रुपैयाँ बराबरको कुल वैदेशिक व्यापार गरेको छ । गत आर्थिक बर्षको सोही अवधीमा ले ४ खर्ब २९ अर्ब १३ करोड १० लाख ३८ हजार रुपैयाँ बराबरको कुल वैदेशिक व्यापार गरेका थियो । आयात निर्यात दुवै घटेको कारण यस बर्षको कुल वैदेशिक व्यापार गत बर्षको सोही अवधीको तुलनामा ४.३५ प्रतिशतले कम हो ।
तीन महिनाको अवधीमा नेपालले ३ खर्ब ६६ अर्ब ८८ करोड ४० लाख ८४ हजार रुपैयाँ व्यापार घाटा व्याहोरेको छ । गत आवको सोही अवधीमा नेपालको यस्तो घाटा ३ खर्ब ५२ अर्ब ३७ करोड ३६ लाख ४ हजार रुपैयाँ रहेको थियो ।
| SN | Trade Indicators | FY 2080/81 (First 3 Months) | 2081/82 (First 3 Months) | Change (%) |
| 1. | Imports(Rs.in `000) | 4 07, 75 8,9 75 | 390,752,321 | -4.17 |
| 2. | Exports(Rs.in `000) | 40, 87 4,8 91 | 38,378,717 | -6.11 |
| 3. | Trade Deficit (Rs.in `000) | 366,884,084 | 352,373,604 | -3.96 |
| 4. | Total Foreign Trade (Rs.in `000) | 448,633,866 | 429,131,038 | -4.35 |
| 5. | Imports/Exports Ratio | 9.98 | 10.18 | 2.06 |
| 6. | Exports Share to Total Trade (%) | 9.11 | 8.94 | -1.84 |
| 7. | Imports Share to Total Trade (%) | 90.89 | 91.06 | 0.18 |
