काठमाडौँ / लक्ष्मी सनराइज बैंकले चालु आर्थिक बर्ष २०८१/८२ को पहिलो त्रैमासमा खुद नाफा ४२०.५३ प्रतिशतले बृद्धि गरेको छ । गत बर्ष असोज मसान्तसम्म १० करोड ३० लाख ४१ हजार रुपैयाँ नाफा आर्जन गरेको बैंकले समीक्षा अवधिमा भने नाफामा छलाङ मारेको हो ।
गत बर्षको तुलनामा यस बर्षको पहिलो त्रैमासमा लक्ष्मी सनराइज बैंकको नाफा ४३ करोड ३३ लाख १८ हजार रुपैयाँले बृद्धि गरी ५३ करोड ६३ लाख ५९ हजार रुपैयाँ पुर्याएको हो ।
खुद ब्याज आम्दानी ६.७५ प्रतिशतले घटेको भए पनि खुद फि कमिशन आम्दानी २४.५८ प्रतिशत र सञ्चालन मुनाफा ४२५.२३ प्रतिशतले बृद्धि भएसँगै बैंकले नाफामा उच्च बृद्धि गर्न सफल भएको हो ।
पहिलो त्रैमासमा बैंकको वितरणयोग्य मुनाफा १ अर्ब ४९ करोड ९ लाख ५० हजार रुपैयाँ रहेको छ । त्यस्तै, बैंकले जगेडा कोषमा १८ अर्ब ७६ करोड ८९ लाख ६१ हजार रुपैयाँ सुरक्षित गरेको छ भने बैंकको चुक्ता पुँजी २३ अर्ब १८ करोड ७१ लाख ५५ हजार रुपैयाँ रहेको छ ।
असोज मसान्तसम्म बैंकले ३ खर्ब ३४ अर्ब ४५ करोड ९९ लाख रुपैयाँभन्दा बढी निक्षेप सङ्कलन गरेर २ खर्ब ५८ अर्ब १६ करोड रुपैयाँभन्दा बढी लगानी गरेको छ ।
गत बर्षको पहिलो त्रैमासको तुलनामा लक्ष्मी सनराइज बैंकले निक्षेप रकम १.६८ प्रतिशत र कर्जा प्रवाह रकम ३.११ प्रतिशतले बृद्धि गरेको देखिन्छ । त्यस्तै, समीक्षा अवधिमा बैंकको सिडी रेसियो ७७.१६ प्रतिशत रहेको छ भने बेस रेट ७.७९ प्रतिशत रहेको छ । बैंकको खराब कर्जा भने १५.९९ प्रतिशतले बृद्धि भएको छ ।
समीक्षा अवधिमा बैंकको खराब कर्जा ५.४४ प्रतिशत पुगेको छ । गत बर्ष सोही अवधिमा भने यस्तो कर्जा ४.६९ प्रतिशत रहेको थियो । त्यस्तै, असोज मसान्तसम्म बैंकको इपिएस ९ रुपैयाँ २५ पैसा र नेटवर्थ प्रतिशेयर १८० रुपैयाँ ९५ पैसा कायम भएको छ ।
